ધર્મ વિશે કરેલી કમેન્ટને કારણે રણબીરની ટીકા
રણબીર કપૂર
રણબીર કપૂરે ધર્મને લઈને કરેલી કમેન્ટને કારણે તેની ટીકા થઈ રહી છે. રણબીરે ઑન્ટ્રપ્રનર નિખિલ કામથના યુટ્યુબ ચૅનલ પરના પૉડકાસ્ટ ‘પીપલ બાય WTF’માં હાજરી આપી હતી. આ દરમ્યાન રણબીરે કહ્યું હતું કે ‘હું સનાતન ધર્મમાં ખૂબ વિશ્વાસ કરવા માંડ્યો છું. છેલ્લાં થોડાં વર્ષોથી એ વિશે મેં ઘણું વાંચવાનું શરૂ કર્યું છે. હું એમાં ખૂબ ઊંડો ઊતર્યો છું કે એ શું છે, એની આપણા પર શું અસર થાય છે કે તમે વિશ્વાસ કરો કે ન કરો.’
રણબીરનો આ ઇન્ટરવ્યુ વાઇરલ થતાની સાથે જ સોશ્યલ મીડિયા પર તેનો એક જૂનો વિડિયો લોકોએ શોધી કાઢ્યો હતો. આ વિડિયોમાં રણબીર બીફ ખાવા વિશે વાત કરી રહ્યો છે. એને લઈને લોકો કહી રહ્યા છે કે બીફ ખાનાર ક્યારેય સનાતની નહીં બની શકે. જોકે બીજી તરફ કેટલાક લોકો એમ પણ કહી રહ્યા છે કે રણબીર બદલાઈ રહ્યો હોય તો તેને પણ ચાન્સ આપવો જોઈએ.
