‘રાધે : યૉર મોસ્ટ વૉન્ટેડ ભાઈ’એ ઓવરસીઝમાં બે દિવસમાં અંદાજે ૯.૩૪ કરોડનો કર્યો બિઝનેસ
સલમાન ખાન
સલમાન ખાને લોકોને ચેતવણી આપી છે કે જો પાઇરેટેડ સાઇટ્સ પર ફિલ્મ જોવામાં આવશે તો સાઇબર સેલની ચાંપતી નજરથી બચી નહીં શકો. સલમાનની ‘રાધે : યૉર મોસ્ટ વૉન્ટેડ ભાઇ’ને ઑનલાઇન રિલીઝ કરવામાં આવી છે. રિલીઝની ગણતરીના કલાકોમાં આ ફિલ્મ વિવિધ પાઇરેટેડ સાઇટ્સ પર લીક થઈ ગઈ હતી. એનો લાભ કેટલાક લોકોએ પણ લીધો હતો. આ બધી વાતોને ધ્યાનમાં રાખીને ટ્વિટર પર સલમાને ટ્વીટ કર્યું હતું કે ‘અમે તમારા માટે ‘રાધે : યૉર મોસ્ટ વૉન્ટેડ ભાઈ’ને ખૂબ જ વાજબી ૨૪૯ રૂપિયા પર વ્યુના હિસાબે લઈને આવ્યા છીએ. આમ છતાં કેટલીક પાઇરેટેડ સાઇટ્સ પર ફિલ્મની ગેરકાયદે સ્ટ્રીમિંગ કરવામાં આવી છે, જે એક ગંભીર અપરાધ છે. સાઇબર સેલ આ બધી પાઇરેટેડ સાઇટ્સ વિરુદ્ધ કાયદાકીય પગલાં લઈ રહીહ્યુંછે. પાઇરસીનો ભાગ ન બનતા નહીં તો સાઇબર સેલનો રેલો તમારા સુધી પણ આવી શકે છે. તમે વાતને સમજો, નહીં તો મોટી મુસીબતમાં ફસાઈ શકો છો.’
‘રાધે : યૉર મોસ્ટ વૉન્ટેડ ભાઈ’એ ઓવરસીઝમાં બે દિવસમાં અંદાજે ૯.૩૪ કરોડનો કર્યો બિઝનેસ
ADVERTISEMENT
સલમાન ખાનની ‘રાધે : યૉર મોસ્ટ વૉન્ટેડ ભાઈ’એ બે દિવસ એટલે કે શુક્રવારે અને શનિવારે લગભગ ૯.૩૪ કરોડનો બિઝનેસ કરી લીધો છે. ઈદ દરમ્યાન રિલીઝ થયેલી આ ફિલ્મે ગલ્ફના દેશોમાં પણ સારોએવો બિઝનેસ કર્યો છે. પ્રભુ દેવા ડિરેક્ટેડ આ ફિલ્મમાં સલમાનની સાથે દિશા પાટણી, રણદીપ હુડા અને જૅકી શ્રોફ લીડ રોલમાં છે. આ ફિલ્મને પે-પર-વ્યુ પ્રમાણે કેટલાંક થિયેટર્સની સાથે ઑનલાઇન પણ રિલીઝ કરવામાં આવી છે. જોકે ફિલ્મને કેટલીક પાઇરેટેડ સાઇટ્સ પર લીક કરવામાં આવી છે. એવામાં આવનારા સમયમાં આ ફિલ્મ કેટલો બિઝનેસ કરે છે એ જોવાનું રહેશે.
