બેબી જૉનમાં વરુણ ધવન મુકાબલો કરશે જૅકી શ્રોફનો
`બેબી જૉન’
વરુણ ધવનની ફિલ્મ ‘બેબી જૉન’માં વિલન તરીકે જૅકી શ્રોફ જોવા મળવાનો છે. ગઈ કાલે દશેરાના દિવસે ફિલ્મનું એક નવું ટીઝર રિલીઝ કરવામાં આવ્યું, જેમાં જૅકી શ્રોફ ‘બબ્બર શેર’ના ખતરનાક અંદાજમાં જોવા મળી રહ્યો છે. ઈજાનાં નિશાન, જૂની વીંટી અને લાંબા વાળ સાથે વિલન તરીકે જૅકી શ્રોફ દેખાઈ રહ્યો છે. પાત્ર જેલમાં ફરતું દેખાય છે.
‘બૅબી જૉન’નું ડિરેક્શન કલીસ નામના ડિરેક્ટર કરી રહ્યા છે. શાહરુખ ખાનની ‘જવાન’ ફિલ્મ બનાવનાર ડિરેક્ટર ઍટલી આ ફિલ્મનો નિર્માતા છે. વરુણ ઉપરાંત કીર્તિ સુરેશ, વામિકા ગબ્બી, સાન્યા મલ્હોત્રા, રાજપાલ યાદવ અને શીબા ચઢ્ઢા સહિતના કલાકારોવાળી આ ફિલ્મ ક્રિસમસ પર રિલીઝ થશે. ‘બેબી જૉન’ ૨૦૧૬ની તામિલ ફિલ્મ ‘થેરી’ની સત્તાવાર રીમેક છે. લાસ્ટ રિપોર્ટ્સ મુજબ ફિલ્મમાં સલમાન ખાનનો પણ કૅમિયો જોવા મળવાનો છે. જૅકી શ્રોફે સોશ્યલ મીડિયા પર પોતાના લુકનું ટીઝર શૅર કરીને લખ્યું હતું, ‘તમે ક્યારેય ન જોઈ હોય એવી ડાર્કનેસ જોવા તૈયાર થઈ જાઓ.. ધ ઇવિલ ઑફ બેબી જૉન – બબ્બર શેર.’
