ચાર દાયકાથી ફિલ્મી દુનિયામાં સક્રિય અનુપમ ખેરે પોતાની કરીઅરની ૫૫૫મી ફિલ્મની જાહેરાત કરી છે. તેમણે સોશ્યલ મીડિયા પર પોસ્ટ શૅર કરી હતી, પરંતુ ફિલ્મનું નામ, કાસ્ટ અને અન્ય વિગતો હાલ ગુપ્ત રાખી છે.
અનુપમ ખેરે પોતાની પાંચસો પંચાવનમી ફિલ્મનું કર્યું એલાન
અનુપમ ખેર ચાર દાયકાથી ફિલ્મી દુનિયામાં સક્રિય છે. તેમણે થિયેટરથી લઈને મોટા પડદા સુધી પોતાના અભિનયની છાપ છોડી છે. તેમણે અભિનેતા ઉપરાંત ડિરેક્ટર તરીકે પણ કામ કર્યું છે. આજે પણ તેઓ પૂરા જોશ સાથે સક્રિય છે અને ગઈ કાલે સોશ્યલ મીડિયા પર પોસ્ટ શૅર કરીને પોતાની નવી ફિલ્મ વિશે માહિતી આપી છે. આ તેમની કરીઅરની પાંચસો પંચાવનમી ફિલ્મ છે. જોકે આ ફિલ્મની બીજી કોઈ વિગતો તેમણે શૅર નથી કરી.
