બ્રેકિંગ સમાચાર
આજના આ પૉડકાસ્ટમાં નવરાત્રિના બદલાતા સ્વરૂપ, મુંબઈ અને અમદાવાદ વચ્ચેના ગરબા કલ્ચરનો અનોખો તફાવત, અને સોશિયલ મીડિયાના યુગમાં વિસરાતી પરંપરાઓ વિશે વિસ્તૃત વાત કરવામાં આવી છે. ચર્ચાની શરૂઆતમાં અમદાવાદની પોળના પરંપરાગત શેરી ગરબા અને મુંબઈના ગ્લેમરસ ડોમ કલ્ચર વચ્ચેની સરખામણી રજૂ કરવામાં આવી છે. ત્યારબાદ, અગાઉના સમયમાં ઘરોની વડીલ મહિલાઓ દ્વારા ગવાતા પ્રાચીન ગરબા, `જય આધ્યાશક્તિ` અને `વિશ્વંભરી સ્તુતિ`નું મહત્વ, સદુંમાતાની પોળના ગરબા, અડાલજની વાવનો અગ્નિ ગરબો તેમજ થાળી ગરબા જેવા ગુજરાતના અમૂલ્ય વારસા પર પ્રકાશ પાડવામાં આવ્યો છે. ચર્ચાના બીજા ભાગમાં ગરબાના આધુનિક વ્યાપારીકરણ વિશે ચર્ચા કરવામાં આવી છે, જેમાં ૧૫થી ૨૦ હજાર રૂપિયાના પાસ, વીઆઈપી એન્ટ્રી, ઈવેન્ટ આધારિત થીમ્સ અને બોલિવૂડ બીટ્સના વધતા પ્રભાવ વચ્ચે મૂળ `તાળી ગરબો` અને ગોળાકાર રમવાની સંસ્કૃતિ કેવી રીતે બદલાઈ રહી છે તે દર્શાવ્યું છે. આ સાથે જ ગઈકાલની નવરાત્રિના નિર્દોષ પ્રેમ અને કૌટુંબિક માહોલની સરખામણી આજના સોશિયલ મીડિયા રીલ્સ, આઉટફિટ ચેક અને અમદાવાદની સૂર્યોદય સુધી ચાલતી નાઈટલાઈફ સાથે કરવામાં આવી છે. અંતમાં, `અંબા અભય પદ દાયિની રે`, `મનો મોરલીયો`, `મેના ગુર્જરીનો ગરબો ` અને "જસમા ઓડણનો ગરબો" પ્રાચીન ગરબાના માધ્યમથી એ સંદેશ આપવામાં આવ્યો છે કે નવરાત્રિ એ માત્ર ફેશન કે ડાન્સ નથી, પણ મા અંબાય સાથેનો આપણો અવિનાશી ભાવાત્મક સંબંધ છે. પરંપરાગત ગરબા, લોકગીતો અને બદલાતી સંસ્કૃતિ | હું બાવો અને મંગળદાસ Watch the full video podcast live on YouTube now!
16 Oct, 2026 6:54 PM IST
Link Copied
05 Jun, 2026 9:52 PM IST
ગેરકાયદેસર દબાણો દૂર થાય તો એ સારું કહેવાય કે ખોટું? પણ રેલ્વેએ હજાર વાર સૂચના આપ્યા છતાં બાન્દ્રા ઇસ્ટમાં રહેનારાઓએ રેલ્વેની જગ્યા ખાલી ન કરી તે બરાબર કહેવાય? રાજકારણમાં નાટક કરવા કેટલા જરૂરી છે? એને નાટક ન કહેવાય દોસ્ત, વાયરલ નેતા એટલે એની પૉપ્યુલારિટી પણ મોટી. કોક્રોચ જનતા પાર્ટી, આર્મચેર એક્ટિવિઝમ, બદલાયેલા સમયમાં પત્રકારત્વમાં આવતા પડકારો અને એવી કેટલીક વાતો ગુજરાતી મિડ-ડે પ્રસ્તુત `હું, બાવો અને મંગળદાસ`ના આ ખાસ એપિસોડમાં, ન્યૂઝરૂમમાંથી ચિરંતના ભટ્ટ, મીત પંચાલ અને હેત્વી કારિયા છેડશે. આ સંવાદમાં કેટલીક હળવી ક્ષણો છે તો કેટલાક ગંભીર મુદ્દા પણ છે. લોકોને બેઘર કરવા જોઇએ? આપણા દેશમાં બાંગ્લાદેશીઓ ઘુસ્યા હોય તો આપણે શું કરવાનું? વાયરલ ટ્રેન્ડને ગંભીરતાથી લેવા જોઇએ જેવી વાતો પર અલગ અલગ જનરેશનના અવાજો સાંભળવા હોય તો સાંભળો આ એપિસોડ.
05 Jun, 2026 9:52 PM IST
ઈંધણના આસમાને આંબતા ભાવ, ખાલીખમ નળ અને સતત વધતું તાપમાન—સામાન્ય નાગરિક પર આર્થિક અને માનસિક બોજ ક્યારેય આટલો અસહ્ય નથી રહ્યો. ગુજરાતી મિડ-ડે પ્રસ્તુત `હું, બાવો અને મંગળદાસ` ના આ ખાસ એપિસોડમાં, ન્યૂઝરૂમમાંથી યુક્તા મહેતા, મીત પંચાલ અને હેત્વી કારિયા આપણી આસપાસ દિનપ્રતિદિન વધી રહેલી આર્થિક અને પર્યાવરણીય કટોકટીનું એક વિગતવાર અને સચોટ વિશ્લેષણ કરશે. અમે પેટ્રોલ-ડીઝલના સતત વધતા ભાવો પર ઊંડી ચર્ચા કરીશું, જે મધ્યમવર્ગીય પરિવારોના ઘરના બજેટને સંપૂર્ણપણે વેરવિખેર કરી રહ્યા છે. સાથે જ, વિવિધ ક્ષેત્રોમાં પગાર ન વધવાની કડવી વાસ્તવિકતા વિશે પણ વાત કરીશું. જ્યારે આવક સ્થિર છે, ત્યારે રોજબરોજનો ખર્ચ કેમ આટલો ઝડપથી વધી રહ્યો છે? ત્યારબાદ, આપણું ધ્યાન શહેરોની બે ગંભીર કટોકટી તરફ દોરીશું: શહેરોમાં આગની ઘટનાઓમાં થઈ રહેલો ચિંતાજનક વધારો. ઉનાળાની શરૂઆત સાથે જ ઘેરાતું ભયાનક જળ સંકટ.
05 Jun, 2026 4:09 PM IST
ડેટિંગ એપનો ઉપયોગ કરીને કોઇને ખરેખર સારો પાર્ટનર મળે ખરો? બધી ડેટિંગ એપ વિશ્વાસપાત્ર હોય છે? ગુજરાતી મિડ-ડે પ્રસ્તુત `હું, બાવો અને મંગળદાસ`ના આ ખાસ એપિસોડમાં યુક્તા મહેતા, મીત પંચાલ અને હેત્વી કારિયાએ આ બિંધાસ્ત વિષય પર ચર્ચા માંડી અને કેટલીક રસપ્રદ હકીકતો જાણવા મળી. જેન ઝી ડેટિંગ એપ્સ વિશે માનવું છે કે જેવા સંજોગો હોય તેના આધારે ડેટિંગ એપ સારી કે ખરાબ હોય એમ બને. ત્વિશા શર્મા કેસની વાત પણ આ પૉડકાસ્ટમાં છેડાઈ. કેઝ્યુઅલ સંબંધો માટે ડેટિંગ એપ્સ વાપરનારાની સંખ્યા મોટી હોય ત્યારે સિરિયસ સબંધો માટે ડેટિંગ એપ પર આધાર રાખવો કેટલો જોખમી? સાંભળો આ મોકળી વાતચીત જેમાં સમજાશે નવી પેઢીના પ્રેમ અંગેના વિચારો અને તેમને ડેટિંગ કરવાનું ખરેખર કેટલું ગમે છે?
ADVERTISEMENT