હથિયાર સાથે જ તેઓ ફસડાઈ પડ્યા અને થોડી જ ક્ષણોમાં તેમના શ્વાસ બંધ થઈ ગયા
હૉસ્પિટલમાં ડૉક્ટરે તેમના શરીરને તપાસ્યું હતું
બિહારના ગોપાલગંજ જિલ્લાના મીરઅલીપુર ગામમાં બકરી ઈદ પર એક વિચિત્ર ઘટના ઘટી. અહીં ૫૦ વર્ષના રબજાન મિયાંનું અચાનક મૃત્યુ થયું હતું. ફેસ્ટિવલ નિમિત્તે ઘરમાં ખૂબ ચહલપહલ હતી અને રબજાન મિયાંએ પોતે જ કુરબાની આપશે એવું નક્કી કર્યું હતું. બકરો તૈયાર હતો અને બધું જ પ્લાન મુજબ થઈ રહ્યું હતું, પરંતુ જેવી તેમણે કુરબાની લેવા માટે ધારદાર હથિયાર ઉઠાવ્યું કે તેમને છાતીમાં સણસણતો દુખાવો ઉપડ્યો. હથિયાર સાથે જ તેઓ ફસડાઈ પડ્યા અને થોડી જ ક્ષણોમાં તેમના શ્વાસ બંધ થઈ ગયા. હૉસ્પિટલમાં ડૉક્ટરે તેમના શરીરને તપાસીને કહ્યું કે કદાચ તેમને સિવિયર હાર્ટ-અટૅક આવતાં હૃદય અચાનક જ બંધ પડી ગયું હતું.
