કોલંબિયાના એમેઝોન જંગલમાં પ્લેન ક્રેશમાં બચી ગયેલા અને જંગલમાં 40 દિવસ સુધી પોતાનો બચાવ કર્યા પછી ચાર બાળકો જીવતા મળી આવ્યા છે. કોલંબિયાના કાક્વેટા અને ગુવિયર પ્રાંત વચ્ચેની સરહદ નજીક સૈન્ય દ્વારા ચાર ભાઈ-બહેનોને બચાવી લેવામાં આવ્યા હતા. સર્ચ ડોગ્સ દ્વારા સમર્થિત બચાવકર્તાઓને અગાઉ બાળકોએ ટકી રહેવા માટે ખાધેલા છોડેલા ફળો તેમજ જંગલની વનસ્પતિ સાથે બનાવેલા કામચલાઉ આશ્રયસ્થાનો મળ્યા હતા. કોલંબિયાની સેના અને એરફોર્સના એરોપ્લેન અને હેલિકોપ્ટરોએ બચાવ કામગીરીમાં ભાગ લીધો હતો. કોલંબિયાના પ્રમુખ ગુસ્તાવો પેટ્રોએ 10 જૂનના રોજ એમેઝોન ફોરેસ્ટમાંથી બાળકોના બચાવ અંગે માહિતી આપી હતી. સેસના 206 પ્લેન, 7 મુસાફરોને લઈને, એમેઝોનાસ પ્રાંતના અરારાકુઆરા અને સેન જોસ ડેલ ગ્વાવિયર વચ્ચે 1 મેના રોજ ક્રેશ થયું હતું. એન્જિનની નિષ્ફળતાને પગલે પ્લેને પોતાનું નિયંત્રણ ગુમાવ્યું અને એમેઝોનના જંગલમાં ક્રેશ થયું હતું. આ દુર્ઘટનામાં પાઇલટ અને બાળકોની માતા મેગડાલેના મુકુટુય સહિત ત્રણ લોકોના મોત થયા હતા.
