3મેના રોજ સિનેમાઘરોમાં રિલીઝ થનારી ફિલ્મ જગતનું ટ્રેલર રિલીઝ કરી દેવામાં આવ્યું છે. યશ સોની સ્ટારર ફિલ્મમાં ચેતન દૈયા પણ મુખ્ય ભૂમિકામાં જોવા મળે છે. કૃષ્ણદેવ યાજ્ઞિક નિર્મિત આ ફિલ્મનું ટ્રેલર ચાહકોમાં ખૂબ જ લોકપ્રિય થઈ રહ્યું છે.
જગત ફિલ્મના પોસ્ટરનો કૉલાજ
- જગત ફિલ્મનું ટ્રેલર થયું રિલીઝ
- યશ સોનીની સાથે ચેતન દૈયા પણ જોવા મળશે મુખ્ય ભૂમિકામાં
- શું બન્ને પોલીસ અધિકારીએ મળીને શોધી શકશે આયુષને?
3મેના રોજ સિનેમાઘરોમાં રિલીઝ થનારી ફિલ્મ જગતનું ટ્રેલર રિલીઝ કરી દેવામાં આવ્યું છે. યશ સોની સ્ટારર ફિલ્મમાં ચેતન દૈયા પણ મુખ્ય ભૂમિકામાં જોવા મળે છે. કૃષ્ણદેવ યાજ્ઞિક નિર્મિત આ ફિલ્મનું ટ્રેલર ચાહકોમાં ખૂબ જ લોકપ્રિય થઈ રહ્યું છે.
આ ફિલ્મ `જગત`ની સ્ટોરી પોલીસ સબ-ઈન્સ્પેક્ટર જગત પંડ્યાના પાત્રની આસપાસ વણાયેલી છે, આ પાત્ર યશ સોનીએ ભજવ્યું છે. 12 વર્ષનો છોકરો આયુષ સ્કૂલ જવા માટે ઘરેથી નીકળે છે પણ તે શાળામાં પહોંચતો નથી, તે એકાએક ગાયબ થઈ ગયો છે, તેની શોધખોળ સતત ચાલ્યા કરે છે. આ દરેક તપાસમાં સબ-ઇન્સ્પેક્ટર જગત પંડ્યા એટલે યશ સોની આ છોકરાની શોધમાં લાગેલા છે, જ્યારે તેમની સાથેના કેટલાક લોકો આ મામલો રફા-દફા કરી દેવા પણ માગે છે. પંડ્યા તપાસમાં ઊંડા ઉતરે છે, તેમને ખ્યાલ આવે છે અહીં છેતરપિંડીની શક્યતા પણ છે. તેણે ધીરજથી કામ લેવાનું છે કેટલીક એવી હકીકતોથી તેનો સામનો થાય છે કે તેની કેટલીક માન્યતાઓ સામે પણ પડકાર ખડા કરી દે છે.
ADVERTISEMENT
જ્યારથી આ ફિલ્મનું ટીઝર રિલીઝ થયું છે ચાહકોમાં આ ફિલ્મ વિશેની ઉત્સુકતા અને આતુરતા વધી ગઈ છે. આ ફિલ્મનું ટ્રેલર રિલીઝ થતાં ચાહકોમાં એક નવો ઉત્સાહ જોવા મળ્યો છે. ગુજરાતી અભિનેતા યશ સોનીએ પોતાના ઈન્સ્ટાગ્રામ અકાઉન્ટ પર ફિલ્મનું ટ્રેલર પણ શૅર કર્યું છે. ફિલ્મના ટ્રેલર પરથી સમજી શકાય છે કે ફિલ્મમાં ચાઈલ્ડ ટ્રાફિકિંગ, કિડનેપિંગ, સેક્સ્યુઅલ હરાસમેન્ટ જેવા કેટલાક મુદ્દાઓને આવરી લેવામાં આવ્યા હોઈ શકે છે. ટ્રેલરમાં ફાસ્ટ સિક્વન્સ અને ઇન્ટ્રેસ્ટિંગ પ્લોટના ડેવલપમેન્ટની ઝલક પણ જોવા મળે છે. સિનેમેટિક અનુભવ માટે પણ આ ફિલ્મનું ટ્રેલર એક ચોક્કસ સ્ટેજ સેટ કરી દે છે.
View this post on Instagram
ફિલ્મમાં મુખ્ય કલાકારોની વાત કરીએ તો યશ સોની, ચેતન દૈયા અને રિદ્ધિ પી યાદવ `જગત`માં મનમોહક અભિનય કરવા માટે તૈયાર છે. અભિનેતા યશ સોનીએ ઈન્સ્ટાગ્રામ એકાઉન્ટ પર ફિલ્મનું ટ્રેલર, ટીઝર અને પોસ્ટર પણ શૅર કર્યું છે. ફિલ્મના ટ્રેલર પરથી જાણી શકાય છે કે, આ ફિલ્મની કહાની નાના બાળકોના ગુમ થવા સાથે જોડાયેલ છે. ફિલ્મના ટ્રેલરમાં જોવા મળી રહ્યું છે કે, એક 12 વર્ષીય છોકરો આયુષ ગુમ થઈ ગયો છે. જેને શોધવા માટે પોલીસ અધિકારી જગત પંડ્યા (યશ સોની) અને અન્ય એક પોલીસ અધિકારી (ચેતન દૈયા) તે બાળકને શોધવા માટે તપાસ શરૂ કરે છે.
ફિલ્મ `જગત`ના ટ્રેલરમાં યશ સોની અને ચેતન દૈયા ખૂબ જ પાવરફુલ રોલમાં જોવા મળી રહ્યા છે. હર્ષિલ ભટ્ટ નિર્દેશિત ફિલ્મ `જગત`માં યશ સોની અને ચેતન દૈયાની સાથે રિદ્ધિ યાદવ મહત્ત્વની ભૂમિકામાં જોવા મળવાની છે. આ ફિલ્મ 3 મેના રોજ સિનેમાઘરોમાં રિલીઝ થવાની છે.
