આ ફિલ્મ ૧૯ એપ્રિલે થિયેટરમાં રિલીઝ થશે
એકતા કપૂર
એકતા કપૂરે પ્રોડ્યુસ કરેલી ફિલ્મ ‘લવ સેક્સ ઔર ધોખા 2’ રિયલિટી શો ‘બિગ બૉસ’ પરથી પ્રેરિત હોય એવી ચર્ચા ચાલી રહી છે. આ શો લોકોનો ફેવરિટ છે. ‘લવ સેક્સ ઔર ધોખા’ ૨૦૧૦માં રિલીઝ થઈ હતી. એની આ સીક્વલ છે. આ ફિલ્મ ૧૯ એપ્રિલે થિયેટરમાં રિલીઝ થશે. આ ફિલ્મની જાહેરાત થઈ ત્યારથી એને લઈને લોકોમાં એક્સાઇટમેન્ટ હતું. ફિલ્મમાં યુટ્યુબર કૅરી મિનાટી લીડ રોલમાં દેખાશે. એવી શક્યતા છે કે ‘બિગ બૉસ 16’ની કન્ટેસ્ટન્ટ નિમ્રત કૌર અહલુવાલિયા પણ આ ફિલ્મમાં જોવા મળી શકે છે. ફિલ્મમાં અન્ય કયા કલાકારો હશે એ જાણવા નથી મળ્યું. ફિલ્મની સ્ટોરી આધુનિક લવ-સ્ટોરી પર પ્રકાશ પાડશે. ફિલ્મને દિબાકર બૅનરજીએ ડિરેક્ટ કરી છે, જેણે અગાઉ ‘ખોસલા કા ઘોસલા’ અને ‘ઓયે લકી! લકી ઓયે’ ડિરેક્ટ કરી હતી.
![Join Whatsapp Channel Whatsapp-channel](https://www.gujaratimidday.com/assets/images/whatsapp-desk-modified.png)
![Join Whatsapp Channel Whatsapp-channel](https://www.gujaratimidday.com/assets/images/whatsapp-mobile.png)