ચંદ્રગ્રહણને કારણે ટીમ ઇન્ડિયાએ મુંબઈમાં પ્રૅક્ટિસ-સેશન મોડેથી શરૂ કર્યું

તસવીરો : આશિષ રાજે

ભારતીય મેન્સ ક્રિકેટ ટીમે ચંદ્રગ્રહણ સાથે ટકરાવ ટાળવા માટે ગઈ કાલે મુંબઈમાં પ્રૅક્ટિસ-સેશન ઑલમોસ્ટ એક કલાક માટે મુલતવી રાખ્યું હોવાના અહેવાલ છે. ચંદ્રગ્રહણની નકારાત્મક અસરથી બચવા ટીમ ઇન્ડિયા સેમી-ફાઇનલ મૅચના પ્રારંભિક પ્રૅક્ટિસ-સેશન માટે સાંજે ૭ વાગ્યા બાદ વાનખેડે સ્ટેડિયમ પહોંચી હતી. સાંજે ૬થી ૯ વાગ્યા દરમ્યાન પ્રૅક્ટિસ-સેશન હતું. ગ્રહણ ભારતીય સમય મુજબ બપોરે ૩.૨૦ વાગ્યાથી સાંજે ૬.૪૭ વાગ્યા સુધી ચાલ્યું હતું. ભારતમાં ચંદ્રગ્રહણને પરંપરાગત રીતે અશુભ માનવામાં આવે છે.