આજે થર્ટીફર્સ્ટની નાઇટે અમદાવાદમાં ૬૦૦૦ પોલીસ રહેશે તહેનાત

અમદાવાદમાં નાગરિકોની સુરક્ષાને લઈને ૫૦૦થી વધુ પોલીસ-કર્મચારીઓ બૉડી-વૉર્ન કૅમેરા સાથે સજ્જ રહેશે. આ ઉપરાંત શહેરમાં ૧૦૦થી વધુ ચેકિંગ પૉઇન્ટ બનાવ્યા છે.

પ્રતીકાત્મક તસવીર

અમદાવાદમાં નવા વર્ષને આવકારવા લોકો ઉત્સાહી હશે ત્યારે કોઈ અનિચ્છનીય બનાવ ન બને એ માટે શહેરમાં ૬૦૦૦ પોલીસ તહેનાત રહેશે એટલું જ નહીં, અમદાવાદના મુખ્ય માર્ગો પર રાત્રે વાહનની અવરજવર પર પ્રતિબંધ મૂકવામાં આવ્યો છે.

અમદાવાદમાં નાગરિકોની સુરક્ષાને લઈને ૫૦૦થી વધુ પોલીસ-કર્મચારીઓ બૉડી-વૉર્ન કૅમેરા સાથે સજ્જ રહેશે. આ ઉપરાંત શહેરમાં ૧૦૦થી વધુ ચેકિંગ પૉઇન્ટ બનાવ્યા છે. મહિલાઓના રક્ષણ માટે SHE ટીમ પણ કાર્યરત રહેશે. શહેરનો ચીમનલાલ ગિરધરલાલ (CG) રોડ પર સાંજે ૬ વાગ્યાથી અને સિંધુભવન રોડ પર રાત્રે ૮ વાગ્યાથી રાતના ૩ વાગ્યા સુધી વાહનો ચલાવી શકાશે નહીં. અમદાવાદ પોલીસે ગઈ કાલે શહેરમાં પૅટ્રોલિંગ પણ કર્યું હતું. નવા વર્ષને વધાવવા માટે આ બન્ને માર્ગ પર શહેરીજનો મોટી સંખ્યામાં ઊમટે છે, એમાં ખાસ કરીને યંગસ્ટર્સ વધુ હોય છે ત્યારે પોલીસના ઉચ્ચ અધિકારીઓ ત્યાં હાજર રહેશે.

મજા પહેલાંની સજા

થર્ટીફર્સ્ટની ઉજવણી માટે ​ગઈ કાલે હિમાચલ પ્રદેશના મનાલી જઈ રહેલાં વાહનોની કુલ્લુમાં જોવા મળેલી લાંબી લાઇન.