01 November, 2024 09:47 AM IST | Caribbean | Gujarati Mid-day Correspondent
જેસન હોલ્ડર
ઇંગ્લૅન્ડ સામે શરૂ થયેલી ત્રણ મૅચની વન-ડે સિરીઝ પહેલાં સ્ટાર ઑલરાઉન્ડર જેસન હોલ્ડરે એક ઇન્ટરવ્યુમાં મોટો ખુલાસો કર્યો હતો. તેણે કહ્યું હતું કે ‘અમે ઇંગ્લૅન્ડ અને ભારત સામેની સિરીઝ પર ઘણો આધાર રાખીએ છીએ. અમારા ક્રિકેટ બોર્ડની મોટી આવક સામાન્ય રીતે એ બે ટીમોની ટૂરથી જ આવે છે. કોઈ પણ કૅલેન્ડર વર્ષમાં આ બન્ને ટીમ સામેની સિરીઝ અમારા માટે સૌથી મોટી હોય છે. એમને કારણે અન્ય ફૅન્સ પણ કૅરિબિયન ક્રિકેટ સ્ટેડિયમમાં ક્રિકેટનો આનંદ માણવા આવે છે. સ્ટેડિયમમાં આવેલા હજારો ફૅન્સને જોવા ખૂબ જ આનંદદાયક હોય છે.’
૩૨ વર્ષના હોલ્ડરને ૨૦૨૭ના વન-ડે વર્લ્ડ કપ સુધી વેસ્ટ ઇન્ડીઝ ટીમ માટે રમવાની ઇચ્છા છે.