02 May, 2026 12:59 PM IST | Mumbai | Gujarati Mid-day Correspondent
ફાઇલ તસવીર
BMCએ શહેરમાં અટકેલા રીડેવલપમેન્ટ પ્રોજેક્ટ્સને ગતિ આપવા માટે એક મહત્ત્વપૂર્ણ પ્રસ્તાવને મંજૂરી આપી છે. નવા નિર્ણય મુજબ હવે ૯ મીટરથી ઓછી પહોળાઈ ધરાવતા રસ્તાઓ પર પણ હાઇરાઇઝ બિલ્ડિંગ બનાવવાની મંજૂરી આપવામાં આવશે.
અત્યાર સુધીના નિયમો મુજબ માત્ર ૯ મીટર કે એથી વધુ પહોળા રસ્તાઓ પર જ ઊંચું બિલ્ડિંગ બાંધવાની પરવાનગી હતી, પરંતુ નવા સુધારા મુજબ હવે ૩.૬ મીટર પહોળા રસ્તા પર ૧૦ માળ (૩૨ મીટર), ૪.૫ મીટર પહોળા રસ્તા પર ૨૩ માળ (૭૦ મીટર) અને ૬ મીટર પહોળા રસ્તા પર ૩૨ માળ (૧૨૦ મીટર) સુધીની ઊંચાઈ ધરાવતું બિલ્ડિંગ બનાવી શકાશે.
આ પ્રસ્તાવ હવે આખરી મંજૂરી માટે રાજ્ય સરકારના અર્બન ડેવલપમેન્ટ ડિપાર્ટમેન્ટને મોકલવામાં આવશે. આ નિર્ણયથી ખાસ કરીને સાંકડી ગલીઓમાં આવેલા જૂના અને જર્જરિત બિલ્ડિંગના રીડેવલપમેન્ટનો માર્ગ મોકળો થશે અને ફ્લોર સ્પેસ ઇન્ડેક્સ (FSI)ની મર્યાદાને કારણે લાંબા સમયથી અટકી પડેલા પ્રોજેક્ટ્સને વેગ મળશે.
