રસ્તા પરના ખાડાની પરેશાની સામાન્ય લોકોની જેમ મુખ્ય પ્રધાને પણ અનુભવી

રસ્તામાં પડેલા મોટા-મોટા ખાડાને લીધે કાર ખૂબ જ ધીમે ચાલી રહી છે.

વાયરલ વીડિયોમાંથી સ્ક્રીન શૉટ

મુખ્ય પ્રધાન એકનાથ શિંદેની કારના કાફલાનો એક વિડિયો ગઈ કાલે સોશ્યલ મીડિયામાં વાઇરલ થયો હતો. ખરાબ રસ્તાને લીધે સામાન્ય લોકો જ નહીં, મુખ્ય પ્રધાન એકનાથ શિંદે પણ પરેશાન હોવાનું આ વિડિયોમાં જણાઈ આવ્યું હતું. શુક્રવારે મુખ્ય પ્રધાન એકનાથ શિંદેએ ભિવંડીમાં ખરાબ રસ્તાની સ્થિતિ જાણવા માટે મુલાકાત કરી ત્યારે તેમને પણ ખાડાવાળા રસ્તાનો અનુભવ થયો હોવાનું જણાઈ આવ્યું હતું. વિડિયોમાં મુખ્ય પ્રધાનની કારનો કાફલો એક ફ્લાયઓવર પરથી નીચે ઊતરી રહ્યો છે ત્યારે રસ્તામાં પડેલા મોટા-મોટા ખાડાને લીધે કાર ખૂબ જ ધીમે ચાલી રહી છે. નાશિક-ભિવંડી રોડની આવી હાલત જોઈને મુખ્ય પ્રધાન એકનાથ શિંદેએ થાણે-નાશિક અને મુંબઈ-અમદાવાદ નૅશનલ હાઇવેમાં પડેલા ખાડા તાત્કાલિક ધોરણે પૂરવાનો નિર્દેશ સંબંધિતોને આપ્યો હતો.