26 March, 2026 06:00 PM IST | Navsari | Gujarati Mid-day Online Correspondent
પ્રતીકાત્મક ફાઇલ તસવીર
છેલ્લા અનેક દિવસોથી કૌટુંબિક સંબંધોમાં જ જાતીય શોષણ થયું હોવાના અનેક કિસ્સાઓ બહાર આવી રહ્યા છે. હવે, ગુજરાતના નવસારીના ચિખલીના ગ્રામીણ વિસ્તારમાં એક ચોંકાવનારી ઘટના બની છે. આ ઘટના એટલી ઘૃણાસ્પદ છે કે તેણે સગપણના સંબંધોને પણ શરમજનક બનાવી દીધું છે. એક પિતા પર તેની બે સાવકી દીકરીઓનું જાતીય શોષણ કરવાનો આરોપ કરવામાં આવ્યો છે.
અહેવાલ મુજબ સાવકા પિતા બન્ને દીકરીઓને લાકડા લેવાના બહાને જંગલમાં લઈ જતો હતો અને ત્યાં તેમની સાથે બળાત્કાર કરતો હતો. આ સમયગાળા દરમિયાન, એવું પણ જાણવા મળ્યું કે બન્ને દીકરીઓ ગર્ભવતી થઈ ગઈ છે. આ માહિતી મળતાં, પોલીસે તાત્કાલિક અને ગંભીર કાર્યવાહી કરી. પોલીસ આરોપી પિતાની POCSO ઍક્ટ હેઠળ ધરપકડ કરી અને વધુ તપાસ શરૂ કરી. આ કિસ્સાએ સમગ્ર ચીખલી વિસ્તારમાં સનસનાટી મચાવી દીધી છે.
આરોપીની 12 વર્ષની દીકરીને અચાનક પેટમાં તીવ્ર દુખાવો થયો ત્યારે આ મામલો પ્રકાશમાં આવ્યો. તેને તાત્કાલિક નજીકની હૉસ્પિટલમાં લઈ જવામાં આવી. હૉસ્પિટલમાં તબીબી તપાસ દરમિયાન, સોનોગ્રાફી રિપોર્ટની સમીક્ષા કરતા ડૉક્ટરો સ્તબ્ધ થઈ ગયા, જેમાં જાણવા મળ્યું કે દીકરી પાંચ મહિનાની ગર્ભવતી હતી.
રિપોર્ટ જાહેર થયા પછી, પીડિતાનો પરિવાર આઘાતમાં મુકાઈ ગયો. તેની નાની બહેનની હાલત જોઈને, ૧૩ વર્ષની મોટી બહેન ભાવુક થઈ ગઈ; ત્યારબાદ તેણે તેના સાવકા પિતાના ઘૃણાસ્પદ કૃત્યો બધાને કહ્યા અને સમગ્ર ઘટના જાહેર કર્યું. ત્યારબાદ, જ્યારે મોટી દીકરીની પણ તબીબી તપાસ કરવામાં આવી, ત્યારે જાણવા મળ્યું કે તે પણ બે મહિનાની ગર્ભવતી હતી. આ ખુલાસા પછી, આ બાબત પોલીસ સ્ટેશનમાં નોંધાઈ.
નવસારી જિલ્લાના નાયબ પોલીસ અધિક્ષક (ડીએસપી) એ જણાવ્યું કે પોલીસ તપાસમાં જાણવા મળ્યું છે કે પુત્રીઓ ખરેખર તેમના સાવકા પિતા દ્વારા ગર્ભવતી થઈ હતી. પીડિત પુત્રીઓની માતાના પહેલા બીજા પુરુષ સાથે લગ્ન થયા હતા, જેની સાથે તેને ચાર બાળકો હતા. જોકે, કોઈ કારણસર, તેમના છૂટાછેડા થઈ ગયા, અને ત્યારબાદ તે આરોપી અનિલ સાથે લિવ-ઇન રિલેશનશિપમાં રહેવાનું શરૂ કર્યું અને તે તેના બાળકોને પોતાની સાથે લઈ ગયો. આ સમયગાળા દરમિયાન, અનિલે વારંવાર આ બે સગીર સાવકી દીકરીઓ પર વારંવાર બળાત્કાર કર્યો.
વધુ તપાસમાં પોલીસને જાણવા મળ્યું કે આરોપી પિતા તેની બે માસૂમ દીકરીઓને જંગલમાંથી લાકડા લાવવાના બહાને એકાંત જગ્યાએ લઈ જતો હતો અને વારંવાર બળાત્કાર કરતો હતો. શક્ય છે કે આ દુર્વ્યવહાર ઘણા સમયથી ચાલુ રહ્યો હોય, જે બાબતની પોલીસ સંપૂર્ણ તપાસ કરી રહી છે.
