29 September, 2020 01:05 PM IST | Mumbai | Gujarati Mid-day Correspondent
શત્રુઘ્ન સિંહા તેમની દીકરી સોનાક્ષી સિંહા સાથે
શત્રુઘ્ન સિંહા તેમની દીકરી સોનાક્ષી સિંહા સાથે પહેલી વાર મ્યુઝિક વિડિયોમાં જોવા મળશે. આ ગીતનું નામ ‘ઝરૂરત’ છે. આ ગીતમાં તેમની સાથે કિરણ બેદી, સોનલ માનસિંહ, લક્ષ્મી અગરવાલ, લક્ષ્મી નારાયણ ત્રિપાઠી અને અનિ ચોયિંગ ડ્રોલ્મા પણ જોવા મળશે. આ કપરા સમયમાં લોકોમાં આશા જગાવી રાખવા માટે આ ગીત બનાવવામાં આવ્યું છે. આ વિશે શત્રુઘન સિંહાએ કહ્યું હતું કે ‘લોકોનાં દુઃખદર્દનો આ ગીતમાં સમાવેશ કરવામાં આવ્યો છે અને એને કેવી રીતે હળવું કરવું એ પણ છે. આ મુશ્કેલ સમયમાં આપણે પૉઝિટિવ રહેવું જોઈએ અને મને ખુશી છે કે હું આ ક્રીએટિવ ગીત માટે મારો અવાજ આપી રહ્યો છું.’
આ વિશે સોનાક્ષીએ કહ્યું હતું કે ‘આપણે હાલમાં ઘણા મોટા-મોટા પ્રૉબ્લેમ્સમાંથી પસાર થઈ રહ્યા છીએ જેવા કે ઇકૉનૉમી નીચે જવી, અંદર-અંદર મતભેદ અને બૉર્ડર પરનું ટેન્શન. આપણને આવા ગીતની હાલમાં ખૂબ જ જરૂર છે જે લોકોના ચહેરા પર સ્માઇલ લાવી શકે.’
