Pushpa 2 The Rule Second Song: ‘પુષ્પા 2’નું બીજું સોન્ગ રીલીઝ, પુષ્પારાજ-શ્રીવલ્લીએ જીત્યા ચાહકોના દિલ

Pushpa 2 The Rule Second Song: અલ્લૂ અર્જુન જબરદસ્ત એનર્જી અને સ્વેગ સાથે જોઈ શકાય છે અને રશ્મિકા પણ પોતાના ‘સામી સામી’ના ચાર્મથી દર્શકોના દીલને જીતી રહી છે

`પુષ્પા 2`ના સોન્ગનું પોસ્ટર

‘પુષ્પા 2: ધ રૂલ’ના ચાહકો માટે ખૂબ જ સારા સમાચાર સામે આવ્યા છે. હવે આ ફિલ્મનું `ધ કપલ સોંગ` (Pushpa 2 The Rule Second Song) રીલીઝ થયું છે. આ સોંગમાં રાષ્ટ્રીય પુરસ્કાર વિજેતા અલ્લુ અર્જુનને પુષ્પરાજ તરીકે અને રશ્મિકા મંદાનાને શ્રીવલ્લી તરીકે જોતાં જ ચાહકોમાં એક અનેરો ઉત્સાહ ફરી વળ્યો છે. આ પહેલા જ્યારે જ્યારે ફિલ્મના ટીઝરે લોકોમાં ખૂબ જ ઉત્સાહ વધાર્યો હતો. હવે આ સોન્ગ રીલીઝ થયા બાદ ચાહકોમાં તે વધી ગયો છે.

શું જોવા મળી રહ્યું છે વિડીયોમાં?

આ વિડિયો ગીત (Pushpa 2: The Rule Second Song)માં પ્રેક્ષકોને તેમની મનપસંદ ફિલ્મના વાસ્તવિક સેટની ઝલક પણ નજરે ચઢે છે. આ સાથે જ દર્શકો માટે એક નવો અને મનોરંજક અનુભવ કરાવે છે. આ સોન્ગના વીડિયોમાં દિગ્દર્શક સુકુમાર આ ગીતના શૂટિંગની મજા લઈ રહ્યાં હોય તે જણાઇ આવે છે. આ સાથે જ કલાકાર અને ક્રૂ કોરિયોગ્રાફર ગણેશ આચાર્યની ધૂન પર ડાન્સ કરી રહ્યાં છે.

6 જુદી જુદી ભાષાઓમાં આવ્યું સોન્ગ 

‘પુષ્પા 2: ધ રૂલ’નું સેકન્ડ સિંગલ `ધ કપલ સોન્ગ` હવે આખરે 6 અલગ અલગ ભાષાઓમાં રિલીઝ થઇ ચૂક્યું છે. જેમ કે સુસેકી (તેલુગુ), અંગારો (હિન્દી), સૂડાના (તમિલ), નોડોકા (કન્નડ), કંડાલો (મલયાલમ) અને આગુનેર (બંગાળી). આ ગીત માણીને જરૂર દર્શકોને પસંદ પડશે તેવું છે. 

તમને જણાવી દઈએ કે આ સોન્ગ (Pushpa 2 The Rule Second Song)ને ખૂબ જ આકર્ષક અને સુંદર રીતે તૈયાર કરવામાં આવ્યું છે. અને તેને મેલોડી ક્વીન શ્રેયા ઘોષાલે તમામ 6 ભાષાઓમાં આવ્યાજ આપ્યો છે. ઇન્ડિયન ફિલ્મ ઇન્ડસ્ટ્રીની એક સૌથી શ્રેષ્ઠ ગાયક શ્રેયા ઘોષાલે એકથી વધારે ભાષાઓમાં ગીત ગાઇને પોતાના ટેલેન્ટથી સૌના દિલ ફરી જીત્યા છે. આ સાથે જ ગીતની એંગેજ કરનારી ટ્યુન અપબિટ છે, અને માસ્ટર ઑફ મેજિક કહેવાતા કમ્પોઝર દેવિ શ્રી પ્રસાદ (DSP) ફરીથી આ નવા વર્ઝન સાથે હંગામો મચાવશે તેમાં કોઈ બેમત નથી.

જ્યાં એક બાજુ ગીત (Pushpa 2 The Rule Second Song)માં અલ્લૂ અર્જુન જબરદસ્ત એનર્જી અને સ્વેગ સાથે જોઈ શકાય છે ત્યાં બીજી બાજુ રશ્મિકા પણ પોતાના ‘સામી સામી’ના ચાર્મથી દર્શકોના દીલને જીતી રહી છે. આ લિરિકલ વિડિયોમાં ઘણા કેચી હુક સ્ટેપ્સ છે. ફિલ્મના ફર્સ્ટ સિંગલ ‘પુષ્પા પુષ્પા’એ યૂટ્યુબ પર રેકોર્ડ બનાવ્યો છે. હવે આ પણ પોતાનો રેકોર્ડ બનાવશે એમાં કોઈ બેમત નથી.

ક્યારે આવશે આ ફિલ્મ?

તો તમને કહી દઈએ કે `પુષ્પા 2: ધ રૂલ` 15 ઓગસ્ટ, 2024ના રોજ રિલીઝ થવાની છે. સુકુમાર દ્વારા દિગ્દર્શિત અને માઈશ્રી મૂવી મેઈકર્સ દ્વારા નિર્મિત આ ફિલ્મમાં અલ્લૂ અર્જુન, રશ્મિકા મંદાના અને ફહદ ફાસિલ મહત્વની ભૂમિકામાં જોવા મળશે.