આજે ભારત અને ચીન વચ્ચે રમાશે વિમેન્સ એશિયન ચૅમ્પિયન્સ ટ્રોફીની ફાઇનલ મૅચ

બિહારમાં આયોજિત વિમેન્સ એશિયન ચૅમ્પિયન્સ ટ્રોફીની આઠમી સીઝનનો આ નિર્ણાયક દિવસ છે. ડિફેન્ડિંગ ભારત અને ચીન વચ્ચે આજે સાંજે ૪.૪૫ વાગ્યે ફાઇનલ મૅચ રમાશે.

જપાન સામે ૨-૦ મળેલી જીતની ઉજવણી કરતી ભારતીય ટીમ.

બિહારમાં આયોજિત વિમેન્સ એશિયન ચૅમ્પિયન્સ ટ્રોફીની આઠમી સીઝનનો આ નિર્ણાયક દિવસ છે. ડિફેન્ડિંગ ભારત અને ચીન વચ્ચે આજે સાંજે ૪.૪૫ વાગ્યે ફાઇનલ મૅચ રમાશે. એ પહેલાં મલેશિયા અને જપાન વચ્ચે ત્રીજા સ્થાને રહેવા માટે જંગ જામશે. વર્ષ ૨૦૧૧ અને ૨૦૧૬ની રનર-અપ ટીમ ચીન પાસે આજે પહેલી વાર આ ટુર્નામેન્ટમાં ચૅમ્પિયન બનવાની તક છે, જ્યારે વર્ષ ૨૦૧૬ અને ૨૦૨૩ની ચૅમ્પિયન ટીમ ભારત પાસે ત્રીજી વાર ચૅમ્પિયન બની સાઉથ કોરિયાના રેકૉર્ડની બરાબરી કરવાની તક છે.

ગઈ કાલે થાઇલૅન્ડને ૩-૦થી હરાવીને સાઉથ કોરિયાની ટીમ પાંચમા ક્રમે રહી હતી. પહેલી સેમી ફાઇનલમાં ચીને મલેશિયાની સામે ૩-૧થી જીત નોંધાવી ફાઇનલમાં એન્ટ્રી મારી હતી. બીજી સેમી ફાઇનલના છેલ્લા ક્વૉર્ટરમાં બે ગોલ કરી ભારતીય ટીમે જપાનને ૨-૦થી હરાવ્યું હતું. ભારતીય ટીમ આજે પાંચમી વાર આ ટુર્નામેન્ટની ફાઇનલ રમતી જોવા મળી છે. ભારતીય ટીમ વર્ષ ૨૦૧૩  અને ૨૦૧૮માં રનર-અપ રહી હતી. 

ભારત-ચીન હેડ-ટુ-હેડ રેકૉર્ડ
કુલ મૅચ    ૪૬
ચીનની જીત    ૨૮
ભારતની જીત    ૧૨
ડ્રૉ    ૦૬