14 April, 2026 07:31 PM IST | Mumbai | Gujarati Mid-day Online Correspondent
પ્રતીકાત્મક ફાઇલ તસવીર
અમેરિકાના ઓરેગોનના ટ્રાઉટડેલમાં ઍમેઝોન વૅરહાઉસમાં એક કર્મચારીનું ગયા અઠવાડિયે મૃત્યુ થયું હોવાની ઘટના બની હતી. કર્મચારી જ્યારે ફરજ પર હયો ત્યારે તે અચાનક પડી ગયો એનએ મૃત્યુ થયું હતું. આ ઘટનાએ અમેરિકામાં મોટા વૅરહાઉસની અંદર કામ કરવાની પરિસ્થિતિઓ પર ફરી એકવાર ધ્યાન ખેંચાયું છે. આ ઘટના ઍમેઝોનના PDX9 વૅરહાઉસમાં બની હતી. એક કર્મચારી ફ્લોર પર બેભાન હાલતમાં મળી આવ્યો હતો. કંપનીએ તેના મૃત્યુની પુષ્ટિ કરી, કર્મચારીના પરિવાર પ્રત્યે સંવેદના વ્યક્ત કરી અને દુર્ઘટનાથી પ્રભાવિત સ્ટાફ સભ્યોને સહાય આપી.
એક સત્તાવાર નિવેદનમાં, ઍમેઝોને જણાવ્યું હતું કે ઘટના પછી કર્મચારીઓને વહેલા જવાની મંજૂરી આપવામાં આવી હતી અને તેમની બાકીની શિફ્ટ માટે ચૂકવણી કરવામાં આવી હતી. સુનિશ્ચિત નાઈટ શિફ્ટ પણ રદ કરવામાં આવી હતી, કામ પર ન આવવા છતાં કામદારોને વળતર મળ્યું હતું. કંપનીના પ્રવક્તાએ ઘટનાને દુઃખદ ગણાવી અને કહ્યું હતું કે સુવિધામાં કર્મચારીઓને કાઉન્સેલિંગ સંસાધનો ઉપલબ્ધ કરાવવામાં આવ્યા હતા.
જોકે, કામદારો અને સ્થાનિક તપાસ અહેવાલોમાં દાવો કરવામાં આવ્યો કે કર્મચારી બેભાન થયા પછી પણ વૅરહાઉસમાં થોડા સમય માટે કામ ચાલુ જ રહ્યું હતું. વૅરહાઉસમાં કામ કરવાનો દાવો કરનારા વ્યક્તિઓની સોશિયલ મીડિયા પોસ્ટ્સમાં આરોપ મૂકવામાં આવ્યો હતો કે મૃતદેહ વચ્ચે લોકો કામ કરી રહ્યા હતા. ઈમરજન્સી સ્ટાફ જ પરિસ્થિતિનો સામનો કરી રહ્યા હતા. કેટલાક કર્મચારીઓએ ઇમારતની અંદરના તાપમાન અંગે પણ ચિંતા વ્યક્ત કરી હતી, અને દાવો કર્યો હતો કે તાજેતરના દિવસોમાં પરિસ્થિતિ અસામાન્ય રીતે ગરમ થઈ ગઈ છે. કામદારોએ અનુમાન લગાવ્યું હતું કે તાજેતરમાં લગાવેલા પડદા હવાના પ્રવાહને રોકે છે, જેથી પહેલાથી જ મુશ્કેલ કાર્ય અને હવે વાતાવરણમાં શારીરિક તાણમાં વધારો થયો છે. તેઓએ એવો પણ દાવો કર્યો છે ઘટનાના બીજા દિવસે વૅરહાઉસ ઠંડુ હતું. ઓરેગોનના વ્યવસાયિક સલામતી અને આરોગ્ય પ્રશાસને ઘટનાની સમીક્ષા કરી હતી અને તારણ કાઢ્યું હતું કે મૃત્યુ કાર્યસ્થળની સલામતીની સ્થિતિ સાથે જોડાયેલું નથી. અધિકારીઓએ કર્મચારીની ઓળખ અથવા મૃત્યુનું તબીબી કારણ હજી જાહેર કર્યું નથી.
સમાન વૅરહાઉસમાં અગાઉ ઇજાના દર અંગે તપાસ કરવામાં આવી હતી. તપાસમાં જાણવા મળ્યું છે કે સ્થળ પરના કર્મચારીઓના નોંધપાત્ર ટકાવારી કર્મચારીઓએ કાર્યસ્થળની ઇજાઓની જાણ કરી હતી. દેશભરમાં વૅરહાઉસ વિશે ઉઠાવવામાં આવેલી વ્યાપક ચિંતાઓને પ્રતિબિંબિત કરે છે. સમગ્ર અમેરિકામાં, ઍમેઝોન વૅરહાઉસ વારંવાર શ્રમ નિયમનકારો અને ફેડરલ તપાસકર્તાઓ દ્વારા સલામતીના પગલાં અને નોંધાયેલી ઇજાઓના આરોપો અંગે તપાસ કરવામાં આવી છે. તાજેતરના વર્ષોમાં બહાર પાડવામાં આવેલા ડેટા દર્શાવે છે કે ઍમેઝોન વૅરહાઉસમાં ઇજાના દર વ્યાપક વેરહાઉસિંગ ઉદ્યોગમાં નોંધાયેલા સરેરાશ કરતાં વધી ગયા છે.
