06 April, 2026 07:41 AM IST | Mumbai | Gujarati Mid-day Correspondent
રોહિત શેટ્ટી
ફિલ્મનિર્માતા રોહિત શેટ્ટીના મુંબઈના નિવાસસ્થાન બહાર થયેલા ગોળીબારની તપાસમાં ક્રાઇમ બ્રાન્ચનાં સૂત્રોએ સંકેત આપ્યો છે કે આ હુમલા માટે સંપૂર્ણપણે નાણાં હવાલા ચૅનલો દ્વારા આપવામાં આવ્યાં હતાં.
તપાસકર્તાઓના જણાવ્યા અનુસાર આરોપી શૂટર ગોલુ પંડિતને ઔપચારિક બૅન્કિંગ -સિસ્ટમો દ્વારા નહીં પણ ગેરકાયદે હવાલા નેટવર્ક દ્વારા ફન્ડ મળ્યું હતું. આ પૈસા નેપાલ, દિલ્હી અને ઉત્તર પ્રદેશ સહિત અનેક સ્થળોએ મોકલવામાં આવ્યા હોવાનો આરોપ છે. સૂત્રોએ વધુમાં જણાવ્યું હતું કે બિશ્નોઈ ગૅન્ગ સાથે જોડાયેલા ઑપરેટર આરઝૂ બિશ્નોઈને આ ફાઇનૅન્શ્યલ કામગીરી સોંપવામાં આવી હતી. ગૅન્ગે ફન્ડને ચૅનલાઇઝ કરવા અને યોજનાને અમલમાં મૂકવા માટે એના નેટવર્કનો ઉપયોગ કર્યો હોવાના અહેવાલ છે.
