15 January, 2024 09:42 PM IST | Mumbai | Gujarati Mid-day Online Correspondent
ફાઇલ તસવીર
મુંબઈ અને નવી મુંબઈ ટ્રાફિક પોલીસે (Mumbai Traffic Police) સંયુક્ત ઑપરેશનના ભાગરૂપે લગભગ 300 ડ્રાઈવરો સામે કાર્યવાહી કરી છે. જેમણે બિનજરૂરી રીતે અટલ સેતુ (MTHL) પર તેમના વાહનો રોક્યા હતા અને પિકનિક કરતાં હોય એમ ઊભા રાહીને સેલ્ફી લીધી હતી અને વાહનોની અવરજવરને અસર કરી હતી. એક વરિષ્ઠ પોલીસ અધિકારીના જણાવ્યા અનુસાર, “હાલમાં ડ્રાઇવરો પાસેથી 500 રૂપિયાનો દંડ વસૂલવામાં આવ્યો છે. ગુનાઓ નેગોશિએબલ હોવાથી, અમે દેશના સૌથી લાંબા દરિયાઈ પુલ પર તેમની મુલાકાતનો આનંદ માણવાના તેમના અનુભવને બગાડે નહીં તેની પણ કાળજી લીધી, પરંતુ દરિયાના પુલ પર ફરી વાહન રોકવામાં આવશે તો વાહનચાલકો સામે ફોજદારી ગુનો નોંધવામાં આવશે.”
નોંધનીય છે કે, મુંબઈમાં શિવડી અને નવી મુંબઈમાં ન્હાવા શેવા (Mumbai Traffic Police) વચ્ચે 21.8 કિલોમીટરના દેશના સૌથી લાંબા સી લિન્ક બ્રિજનું ઉદ્ઘાટન વડાપ્રધાન નરેન્દ્ર મોદીએ કર્યું હતું, જે બાદ બ્રિજને લોકો માટે ખુલ્લો મૂકવામાં આવ્યો છે. દરિયાઈ પુલને લઈને સોશિયલ મીડિયા પર વાયરલ થઈ રહેલી તસવીરો અને વીડિયો જોઈને લોકો બ્રિજ પર ઉમટી પડ્યા હતા. દરમિયાન, લોકોએ તેમના વાહનો રોક્યા અને સેલ્ફી લીધી અને પિકનિક સ્પોટની જેમ ફરતા જોવા મળ્યા હતા. આ સમય દરમિયાન, કેટલાક નાગરિકોએ સોશિયલ મીડિયા પર બ્રિજની બાજુમાં પાર્ક કરાયેલા વાહનો અને ડેક પર ચાલતા લોકોના ફોટા લેવા માટે વીડિયો અને તસવીરો શેર કરી હતી અને મુંબઈ ટ્રાફિક પોલીસને પણ ટેગ કર્યા હતા, જે બાદ બંને શહેરની ટ્રાફિક પોલીસ એક્શનમાં આવી ગઈ હતી અને તાત્કાલિક કાર્યવાહી શરૂ કરી હતી.
મુંબઈ પોલીસ (Mumbai Traffic Police)ના એક વરિષ્ઠ અધિકારીએ જણાવ્યું હતું કે, દક્ષિણ-મધ્ય વિભાગના ACP અબ્દુલ સૈયદ અને વડાલા ટ્રાફિક વિભાગના API શરદ પાટીલની આગેવાની હેઠળની ટીમોએ 120 ઉલ્લંઘન કરનારાઓને સજા કરી છે. જેમની સામે મોટર વ્હીકલ એક્ટની કલમ 122 અને 177 હેઠળ આરોપ મૂકવામાં આવ્યો હતો. નવી મુંબઈ ટ્રાફિક પોલીસના ડીસીપી તિરુપતિ કાકડેના જણાવ્યા અનુસાર, “અમે રવિવારે રાત્રે 9 વાગ્યા સુધી બ્રિજ પર રોકવા બદલ 144 વાહનચાલકોને દંડ ફટકાર્યો છે અને વાહનચાલકોને પુલ પર ન રોકવાની અપીલ કરી છે. લોકોએ સમજવું જોઈએ કે પુલ પરથી વાહનો ખૂબ જ ઝડપે પસાર થાય છે.”
MMDRAને `નૉ સ્ટોપિંગ` બોર્ડ લગાવવા માટે કહેવામાં આવ્યું
પ્રવીણ પૌડવાલ-જોઈન્ટ પોલીસ કમિશનર (મુંબઈ-ટ્રાફિક)એ જણાવ્યું હતું કે, “અમે ડ્રાઈવરોને અપીલ કરીએ છીએ કે તેઓ તેમના વાહનોને અટલ સેતુ પર ન રોકે અને પુલ પર નીચે ન ઊતરે. આ કરવાથી તમે માત્ર તમારા જ નહીં, પરંતુ અન્ય ડ્રાઇવરોના જીવને પણ જોખમમાં મૂકી રહ્યા છો. નાની બેદરકારી પુલ પર મોટી દુર્ઘટનાનું કારણ બની શકે છે. અમે MMRDAને પુલ પર `નૉ સ્ટોપિંગ` બોર્ડ લગાવવા માટે જાણ કરી છે.”