ઈસ્ટર્ન એક્સપ્રેસ હાઇવેથી BKC માત્ર ૧૫ મિનિટમાં પહોંચી શકાશે

MMRDAના જણાવ્યા મુજબ આ નવો રસ્તો ઓપન થવાથી BKC વન જંક્શન અને BKC કનેક્ટર જંક્શન પર થતી ટ્રાફિકની સમસ્યામાં રાહત મળશે.

ઈસ્ટર્ન એક્સપ્રેસ હાઇવેથી BKC માત્ર ૧૫ મિનિટમાં પહોંચી શકાશે

મુંબઈ મેટ્રોપૉલિટન રીજન ડેવલપમેન્ટ ઑથોરિટી (MMRDA) દ્વારા બાંદરા-કુર્લા કૉમ્પ્લેક્સ (BKC)માં આવેલા સિક્યૉરિટી ઍન્ડ એક્સચેન્જ બોર્ડ ઑફ ઇન્ડિયા (SEBI)ના બિલ્ડિંગથી ઍવન્યુ-5ને કનેક્ટ કરતા ૧૮૦ મીટર લંબાઈના રસ્તાને પબ્લિક માટે ગઈ કાલે ખુલ્લો મૂકવામાં આવ્યો હતો. સાડાત્રણ મહિનામાં આ કામ પૂરું કરી દેવામાં આવ્યા બાદ જૉઇન્ટ મેટ્રોપૉલિટન કમિશનર રાધાવિનોદ શર્મા અને મુંબઈ પોલીસના (ટ્રાફિક) ઍડિશનલ કમિશનર અનિલ કુંભારેએ આ રસ્તો સામાન્ય લોકો માટે ખૂલ્લો મૂક્યો હતો. MMRDAના જણાવ્યા મુજબ આ નવો રસ્તો ઓપન થવાથી BKC વન જંક્શન અને BKC કનેક્ટર જંક્શન પર થતી ટ્રાફિકની સમસ્યામાં રાહત મળશે. આ નવા રૂટથી ઈસ્ટર્ન એક્સપ્રેસ હાઇવેથી BKC માત્ર પંદર મિનિટમાં પહોંચી શકાશે.