17 January, 2022 01:42 PM IST | Mumbai | Gujarati Mid-day Online Correspondent
પ્રતીકાત્મક તસવીર
મહારાષ્ટ્ર (Maharashtra)ના થાણે(Thane)ના ભિવંડી(Bhiwandi)વિસ્તારના કાઝી કમ્પાઉન્ડમાં બંધ કાપડના કારખાનામાં રવિવારે રાત્રે આગ લાગી હતી. આગમાં કરોડોની સંપત્તિ બળીને ખાખ થઈ ગઈ હતી. આગની જાણ થતાં જ અનેક ફાયર ફાઈટર ઘટના સ્થળે પહોંચી ગયા હતા.
આગ કયા કારણોસર લાગી તે અંગે હજુ સ્પષ્ટપણે કંઈ જાણવા મળ્યું નથી. આ અકસ્માતમાં હજુ સુધી કોઈ જાનહાનિના અહેવાલ નથી.
ઉલ્લેખનીય છે કે, ગત અઠવાડિયે થાણેના ભિવંડી વિસ્તારમાં સ્થિત એક ગોડાઉનમાં ભીષણ આગ લાગી હતી. આ અકસ્માતમાં ત્રણ લોકો ગંભીર રીતે દાઝી ગયા હતા. આગ એટલી ગંભીર હતી કે તેને કાબૂમાં લેવા માટે પાંચ ફાયર ટેન્ડર ઘટનાસ્થળે મોકલવામાં આવ્યા હતા. જણાવી દઈએ કે થાણેનું ભિવંડી ગીચ વસ્તી ધરાવતો વિસ્તાર છે, અહીં મોટી સંખ્યામાં વેરહાઉસ છે.
ભિવંડીમાં લગ્ન હોલમાં આગ
28 નવેમ્બર, 2021 ના રોજ, થાણેને અડીને આવેલા ભિવંડી વિસ્તારમાં લગ્ન સમારોહ દરમિયાન આગ ફાટી નીકળી હતી. આગ વધુ ફેલાય તે પહેલા મહેમાનોને બહાર કાઢી લેવામાં આવ્યા હતા. આગના કારણે ગભરાટનો માહોલ સર્જાયો હતો. આ ઘટના ભિવંડી સ્થિત મોહમ્મદ અલી વેડિંગ હોલની છે, જે તૈયબ મસ્જિદ વિસ્તારની સામે સ્થિત છે.