૨૦૧૪ની ફિલ્મ ક્વીન અને નવી ફિલ્મ ક્વીન ફુલ પાવર વચ્ચે કોઈ સામ્ય નથી

આમ કહીને હાઈ કોર્ટે મનાઈહુકમ આપવાનો કર્યો ઇનકાર, બન્નેની હિરોઇન કંગના રનૌત. કંગના રનૌત અભિનીત આગામી ફિલ્મ ‘ક્વીન ફુલ પાવર’ની રિલીઝ સામે વચગાળાનો મનાઈહુકમ આપવાનો બૉમ્બે હાઈ કોર્ટે ઇનકાર કરી દીધો છે.

કંગના રણોત

કંગના રનૌત અભિનીત આગામી ફિલ્મ ‘ક્વીન ફુલ પાવર’ની રિલીઝ સામે વચગાળાનો મનાઈહુકમ આપવાનો બૉમ્બે હાઈ કોર્ટે ઇનકાર કરી દીધો છે. અદાલતે પ્રથમ દૃષ્ટિએ નોંધ્યું હતું કે આ નવી ફિલ્મ અને ૨૦૧૪માં આવેલી કંગનાની જ સુપરહિટ ફિલ્મ ‘ક્વીન’ વચ્ચે કોઈ સામ્ય કે સરખાપણું નથી.
બન્ને ફિલ્મોની વાર્તા, પ્લૉટ અને થીમમાં કશું જ સમાન ન હોવાનું સ્પષ્ટ કરતાં હાઈ કોર્ટે જણાવ્યું હતું કે આગામી ફિલ્મ ૨૦૧૪ની ફિલ્મની ન તો સીક્વલ છે કે ન તો એના પરથી બનાવેલી.
જસ્ટિસ સંદીપ માર્નેની સિંગલ બેન્ચે બુધવારે પસાર કરેલા અને શુક્રવારે ઉપલબ્ધ થયેલા આદેશમાં જણાવ્યું હતું કે ‘બન્ને ફિલ્મોનાં સિનોપ્સિસની સરખામણી કરતાં વાર્તાઓમાં કોઈ સામ્ય જણાતું નથી. ૨૦૧૪ની ફિલ્મની મુખ્ય થીમ આત્મખોજ અને મહિલા સશક્તીકરણની હતી, જ્યારે ‘ક્વીન ફુલ પાવર’ કિડનૅપિંગ અને કૉમિક થ્રિલર મૂવી છે.’