અભિષેક ઘોસાલકર હત્યા કેસમાં કોર્ટમાં વકીલોએ સનસનાટીભર્યા દાવા, જાણો વિગત

ઠાકરે જૂથના પૂર્વ કૉર્પોરેટર અભિષેક ઘોસાલકર (Abhishek Ghosalkar Murder Case)ની હત્યા કેસમાં તેના પરિવાર દ્વારા નિયુક્ત વકીલોએ સનસનાટીભર્યા દાવા કર્યા છે

અભિષેક ઘોસાલકર

ઠાકરે જૂથના પૂર્વ કૉર્પોરેટર અભિષેક ઘોસાલકર (Abhishek Ghosalkar Murder Case)ની હત્યા કેસમાં તેના પરિવાર દ્વારા નિયુક્ત વકીલોએ સનસનાટીભર્યા દાવા કર્યા છે. ઘોસાલકર પરિવારના વકીલ ભૂષણ મહાડિકે દાવો કર્યો હતો, “તે દિવસે અમરેન્દ્ર મિશ્રાની હિલચાલ શંકાસ્પદ હતી. અમે કોર્ટમાં આના સીસીટીવી ફૂટેજ રજૂ કર્યા છે. અમરેન્દ્ર મિશ્રા ડિસેમ્બરમાં પોતાની બંદૂક સાથે મુંબઈ આવ્યા હતા. તેમણે સ્થાનિક પોલીસને તેની જાણ કરવી જોઇતી હતી. કોઈપણ કિસ્સામાં, તે સાબિત થતું નથી કે મોરિસે ખોટી રીતે મિશ્રા પાસેથી હથિયાર લીધું હતું.” કોર્ટે કેસની સુનાવણી 5 માર્ચ સુધી મુલતવી રાખી છે.

ભૂષણ મહાડીકે શું કહ્યું?

તેમણે (Abhishek Ghosalkar Murder Case) કહ્યું કે, “તે દિવસે અમરેન્દ્ર મિશ્રાની હિલચાલ શંકાસ્પદ હતી. અમે આ અંગે કોર્ટમાં સીસીટીવી રજૂ કર્યા છે. તેણે સ્થાનિક પોલીસને જણાવવાનું હતું કે તે ડિસેમ્બરમાં તેની બંદૂક સાથે મુંબઈ આવ્યો હતો. કોઈ પણ સંજોગોમાં, તે સાબિત થતું નથી કે મોરિસે ખોટી રીતે મિશ્રા પાસેથી હથિયાર લીધું હતું. એવું કહી શકાય નહીં કે તે સામેલ નથી.”

શંકાસ્પદ નાણાકીય વ્યવહારો મળ્યા

મિશ્રા (Abhishek Ghosalkar Murder Case) દ્વારા કેટલાક શંકાસ્પદ નાણાકીય વ્યવહારો પણ કરવામાં આવ્યા છે અને તેની ગંભીરતાથી તપાસ થવી જોઈએ. તેણે મુંબઈની અબ્દુલ રહેમાન સ્ટ્રીટમાંથી કેટલીક ગોળીઓ ખરીદી હતી. તેજસ્વિની ઘોસાલકરના વકીલે કોર્ટમાં દલીલ કરી છે કે મિશ્રાને જામીન નામંજૂર કરવામાં આવે અને તપાસ કરવાનો આદેશ આપવામાં આવે.

કોણ છે અમરેન્દ્ર મિશ્રા?

આરોપી મોરિસનો બોડીગાર્ડ અમરેન્દ્ર મિશ્રા થોડા મહિના પહેલા અંગત સુરક્ષા ગાર્ડ તરીકે કામ કરતો હતો, પરંતુ આ કેસ બાદ પોલીસે તેની ધરપકડ કરી હતી. અમરેન્દ્ર મૂળ ઉત્તર પ્રદેશનો છે. સ્પષ્ટ છે કે આરોપી અમરેન્દ્ર મિશ્રાએ ઉત્તર પ્રદેશમાંથી પિસ્તોલનું લાઇસન્સ લીધું છે. પોલીસે માહિતી આપી હતી કે તેની પિસ્તોલ મુંબઈમાં નોંધાયેલી નથી.

કેવી રીતે થઈ ઘોસાલકરની હત્યા?

ઠાકરે જૂથના ભૂતપૂર્વ કૉર્પોરેટર અભિષેક ઘોસાલકર પર ફેસબુક લાઈવ કરતા સમયે ફાયરિંગ કરવામાં આવ્યું હતું. દરમિયાન, કથિત શૂટર મોરિસે પણ પોતાને ગોળી મારીને આત્મહત્યા કરી લીધી હતી. બંને હત્યાનો વીડિયો સોશિયલ મીડિયા પર વાયરલ થયો હતો. આ કેસમાં મોરિસના બોડીગાર્ડ અમરેન્દ્ર મિશ્રાની પોલીસે અટકાયત કરી હતી.

અભિષેક ઘોસાલકરની હત્યાનો પ્લાન બે મહિના પહેલા બનાવાયો હતો?

બોરીવલીની આઇસી કૉલોનીમાં ઉદ્ધવ ઠાકરે જૂથના ભૂતપૂર્વ નગરસેવક અભિષેક ઘોસાળકરની હત્યા કરવાના મામલામાં ચોંકાવનારી વિગતો સામે આવી છે. અભિષેક પર ફાયરિંગ કરનારા મૉરિસે બે મહિના પહેલાં હત્યા કરવાનો પ્લાન બનાવ્યો હોવાનું પોલીસની તપાસમાં જણાઈ આવ્યું છે. પોલીસના જણાવ્યા મુજબ મૉરિસ નોરોન્હાને શંકા હતી કે અભિષેકને કારણે પોતાની સામે બળાત્કાર અને વિનયભંગનો કેસ પોલીસે દાખલ કરીને ધરપકડ કરીને જેલમાં મોકલી દેવામાં આવ્યો હતો. આ વાતનો બદલો લેવા માટે મૉરિસ ઘણા સમયથી તકની રાહ જોઈ રહ્યો હતો.