પૂરગ્રસ્ત તેલુગુ રાજ્યો માટે પ્રભાસે જાહેર કર્યું બે કરોડ રૂપિયાનું ડોનેશન

પ્રભાસ

પૂરગ્રસ્ત તેલુગુ રાજ્યો આંધ્ર પ્રદેશ અને તેલંગણને મદદ કરવા રામ ચરણ, અલ્લુ અર્જુન અને પ્રભાસ પણ આગળ આવ્યા છે. રામ ચરણ અને અલ્લુ અર્જુને એક-એક કરોડ રૂપિયાનું ડોનેશન ચીફ મિનિસ્ટર્સ રિલીફ ફન્ડમાં આપ્યું છે, જ્યારે પ્રભાસે બે કરોડ રૂપિયાનું ડોનેશન જાહેર કર્યું છે. આ પહેલાં જુનિયર NTR દ્વારા એક કરોડ રૂપિયાના ડોનેશનની જાહેરાત કરવામાં આવી હતી. ચિરંજીવી અને મહેશ બાબુએ પણ બન્ને રાજ્યો માટે કુલ એક-એક કરોડ રૂપિયાની સહાય જાહેર કરી છે. આ બધા તેલુગુ સુપરસ્ટાર્સે તેમની સહાય બન્ને રાજ્યોમાં સરખા ભાગે વહેંચીને આપી છે.