19 November, 2024 02:31 PM IST | Kolkata | Gujarati Mid-day Correspondent
બ્રિસ્ટી મુખરજીએ ટ્રોફી મેળવતાં પહેલાં મૅગ્નસ કાર્લસનના ચરણસ્પર્શ કર્યા
કલકત્તામાં આયોજિત તાતા સ્ટીલ ચેસ ઇન્ડિયા ફેસ્ટિવલ 2024માં નંબર વન ચેસ પ્લેયર મૅગ્નસ કાર્લસન સાથે બનેલી એક ઘટનાનો વિડિયો જબરદસ્ત વાઇરલ થયો છે. ૨૦ વર્ષની ભારતીય ચેસ પ્લેયર બ્રિસ્ટી મુખરજી ઑલ ઇન્ડિયા વિમેન્સ રૅપિડ ઇવેન્ટ-Bમાં ચૅમ્પિયન બની હતી. આ પ્રતિષ્ઠિત ટ્રોફી મેળવતાં પહેલાં તેણે નૉર્વેના ૩૩ વર્ષના દિગ્ગજ ચેસ પ્લેયરના ચરણસ્પર્શ કર્યા હતા. આ જ સ્ટેજ પર વિશ્વનાથન આનંદને પણ પગે લાગેલી બ્રિસ્ટીને ત્યાં હાજર દર્શકોએ જોરદાર તાળીઓથી વધાવી લીધી હતી.