નરેન્દ્ર મોદીની વિદેશયાત્રાઓ માટે ૪ વર્ષમાં થયો ૪૬૨.૫૮ કરોડ રૂપિયાનો ખર્ચ

ખર્ચની દૃષ્ટિએ કુલ ખર્ચમાં અમેરિકાની મુલાકાતનો ખર્ચ સૌથી વધારે હતો

નરેન્દ્ર મોદી

૨૦૨૧થી ૨૦૨૫ દરમ્યાન વડા પ્રધાન નરેન્દ્ર મોદીની વિદેશની મુલાકાતોનો કુલ ખર્ચ ૪૬૨.૫૮ કરોડ રૂપિયા થયો હતો. ૪૩ દેશોમાં ફેલાયેલી આ મુલાકાતોમાં અનેક દેશોનો વડા પ્રધાન નરેન્દ્ર મોદીએ એક કરતાં વધારે વખત પ્રવાસ કર્યો હતો.

અમેરિકા, યુનાઇટેડ આરબ એમિરેટ્સ (UAE) અને જપાનની વડા પ્રધાને ચાર-ચાર વાર મુલાકાતો લીધી હતી. તેમણે ફ્રાન્સની ૩ વાર મુલાકાત લીધી હતી; જ્યારે યુનાઇટેડ કિંગડમ, સાઉથ આફ્રિકા, રશિયા અને બ્રાઝિલ સહિતના ઘણા દેશોની બે વાર મુલાકાત લીધી હતી.

ખર્ચની દૃષ્ટિએ કુલ ખર્ચમાં અમેરિકાની મુલાકાતનો ખર્ચ સૌથી વધારે હતો. અમેરિકાની ૪ મુલાકાતોમાં ૭૪.૪ કરોડ રૂપિયાનો ખર્ચ થયો હતો, જે કુલ વિદેશી મુલાકાતના ખર્ચના ૧૬ ટકાથી થોડો વધારે હતો. જપાન અને ફ્રાન્સની મુલાકાતમાં કુલ ખર્ચનો ૯ ટકા હિસ્સો હતો.