SBI સહિતની અનેક બૅન્કોની સ્પેશ્યલ ફિક્સ્ડ ડિપોઝિટ સ્કીમ વ્યાજદર ૭.૧૦ ટકા મળશે

સ્ટેટ બૅન્ક ઑફ ઇન્ડિયા (SBI) સહિત અનેક બૅન્કોએ ફિક્સ્ડ ડિપોઝિટ (FD)માં સ્પેશ્યલ સ્કીમ આપવાની શરૂઆત કરી છે

પ્રતીકાત્મક તસવીર

સ્ટેટ બૅન્ક ઑફ ઇન્ડિયા (SBI) સહિત અનેક બૅન્કોએ ફિક્સ્ડ ડિપોઝિટ (FD)માં સ્પેશ્યલ સ્કીમ આપવાની શરૂઆત કરી છે જેમાં વ્યાજદર ૭.૧૦થી ૮ ટકા સુધી મળશે. SBI અમૃત વૃષ્ટિ સ્કીમમાં ૪૪૪ દિવસ માટે FD માટે સામાન્ય નાગરિકોને ૬.૪૫ ટકા અને સિનિયર સિટિઝનોને ૬.૯૫ ટકા અને સુપર સિનિયર સિટિઝનોને ૭.૦૫ ટકા વ્યાજ મળશે. ૧૦૦૦ રૂપિયાથી ૩ કરોડ રૂપિયા આ FDમાં મૂકી શકાશે. સમય પહેલાં નાણાં કઢાવવામાં આવે તો પાંચ લાખ રૂપિયા સુધી ૦.૫ ટકા અને પાંચ લાખથી વધારે રકમ પર એક ટકો પેનલ્ટી લાગશે.

ઇન્ડિયન બૅન્કે પણ ૪૪૪ દિવસની સ્કીમ ઑફર કરી છે જેમાં સામાન્ય નાગરિકોને ૬.૬૦ ટકા અને સિનિયર સિટિઝનોને ૭.૧૦ ટકા અને સુપર સિનિયર સિટિઝનોને ૭.૩૫ ટકા વ્યાજ મળશે.
બૅન્ક ઑફ બરોડાએ ૪૪૪ દિવસની સ્કીમ બહાર પાડી છે જેમાં સામાન્ય નાગરિકોને ૬.૪૫ ટકા અને સિનિયર સિટિઝનોને ૬.૯૫ ટકા અને સુપર સિનિયર સિટિઝનોને ૭.૦૫ ટકા વ્યાજ મળશે.