૧૯ મિનિટમાં ઍરપોર્ટથી સર એચ. એન. રિલાયન્સ હૉસ્પિટલ

પુણેથી આવેલાં પ્રત્યારોપણ માટેનાં હૃદય અને લિવર પહોંચાડવા માટે બનાવવામાં આવ્યો ગ્રીન કૉરિડોર

પ્રતીકાત્મક તસવીર

પુણેથી સાઉથ મુંબઈની સર એચ. એન. રિલાયન્સ હૉસ્પિટલના દરદીમાં પ્રત્યારોપણ કરવા માટે હૃદય અને લિવર ડોનેટ કરાયાં હતાં જે સમયસર દરદીને મળી શકે એ માટે મુંબઈ ટ્રાફિક પોલીસે બુધવારે ગ્રીન કૉરિડોર બનાવ્યો હતો અને ૧૯ મિનિટમાં જ એ અંતર પાર કરી એની ડિલિ​વરી કરાઈ હતી. જેના કારણે એ મેળવનાર દરદીનો જીવ બચાવી શકાયો હતો. ટ્રાફિક પોલીસના જણાવ્યા અનુસાર બુધવારે સવારના ૭ વાગ્યે એ હૃદય અને લિવર ઍરપોર્ટના ગેટ નંબર ૮થી બહાર લાવવામાં આવ્યાં હતાં. માત્ર બે જ મિનિટમાં એને વેસ્ટર્ન એક્સપ્રેસ હાઇવે પર પહોંચાડી દેવાયાં હતાં અને ત્યાંથી પછી ગ્રીન કૉરિડોર બનાવી ૧૯ મિનિટમાં સર એચ. એન. રિલાયન્સ હૉસ્પિટલ પહોંચાડવામાં આવ્યાં હતાં.