મુંબઈમાં ગાંજાની હેરાફેરીનો ભાંડો ફૂટ્યો, 83 કિલોથી વધુ જથ્થા સાથે મહિલા ઝડપાઈ

Mumbai Drug Bust: મુંબઈ પોલીસની એન્ટી-નાર્કોટિક્સ સેલ (ANC)એ શહેર અને ઉપનગરોમાં ચાલી રહેલા નશીલા પદાર્થોના ગેરકાયદે વેપાર સામે મોટી કાર્યવાહી હાથ ધરી છે.

ધરપકડ કરાયેલ આરોપી

મુંબઈ પોલીસની એન્ટી-નાર્કોટિક્સ સેલ (ANC)એ શહેર અને ઉપનગરોમાં ચાલી રહેલા નશીલા પદાર્થોના ગેરકાયદે વેપાર સામે મોટી કાર્યવાહી હાથ ધરી છે. આ અભિયાન અંતર્ગત માંખુર્દ વિસ્તારમાંથી 83.478 કિલોગ્રામ ગાંજાનો જથ્થો જપ્ત કરીને એક મહિલાની ધરપકડ કરવામાં આવી છે. પ્રાથમિક તપાસમાં જાણવા મળ્યું છે કે આ ડ્રગ્સ રેકેટમાં અન્ય રાજ્યના કેટલાક લોકો પણ સંડોવાયેલા હોઈ શકે છે. પોલીસે આ દિશામાં વધુ તપાસ શરૂ કરી છે અને સંભવિત આરોપીઓ સુધી પહોંચવાના પ્રયાસો હાથ ધર્યા છે.

એન્ટી-નાર્કોટિક્સ સેલના ઘાટકોપર યુનિટને મળેલી ગુપ્ત માહિતીના આધારે 4 જૂન, 2026ના રોજ માંખુર્દના મહારાષ્ટ્ર નગર, મંડાલા વિસ્તારમાં આવેલી એક મહિલાના રહેઠાણ પર દરોડો પાડવામાં આવ્યો હતો. દરોડા દરમિયાન પોલીસે મહિલાના ઘર સહિત અન્ય એક સ્થળેથી કુલ 83.478 કિલોગ્રામ ગાંજો કબજે કર્યો હતો.

આ મામલે ટ્રોમ્બે પોલીસ સ્ટેશનમાં નાર્કોટિક ડ્રગ્સ એન્ડ સાયકોટ્રોપિક સબસ્ટન્સિસ (NDPS) એક્ટ, 1985ની સંબંધિત કલમો હેઠળ ગુનો નોંધવામાં આવ્યો છે. પોલીસે ગાંજાની હેરાફેરી અને ગેરકાયદે સંગ્રહના આરોપસર મહિલાની ધરપકડ કરી છે. હાલ સમગ્ર મામલે વધુ તપાસ ચાલી રહી છે.

પ્રાથમિક તપાસમાં જાણવા મળ્યું છે કે આ ડ્રગ્સ રેકેટમાં અન્ય રાજ્યના કેટલાક લોકો પણ સંડોવાયેલા હોઈ શકે છે. પોલીસે આ દિશામાં વધુ તપાસ શરૂ કરી છે અને સંભવિત આરોપીઓ સુધી પહોંચવાના પ્રયાસો હાથ ધર્યા છે.

વારંવાર ડ્રગ્સની હેરાફેરી કરનાર આરોપી સામે કડક કાર્યવાહી

બીજી તરફ, મુંબઈ પોલીસની એન્ટી-નાર્કોટિક્સ સેલે વધુ એક મહત્વપૂર્ણ કાર્યવાહી કરતાં ડ્રગ્સની હેરાફેરીમાં સંડોવાયેલા એક કથિત કુખ્યાત આરોપીની PIT-NDPS એક્ટ, 1988 હેઠળ અટકાયત કરી છે.

માલાડ પશ્ચિમના માલવાણી વિસ્તારમાં રહેતા 43 વર્ષીય તમીઝુલ હૈદર મઝહરહૂલ હૈદર રિઝવી ઉર્ફે મિસમને એક વર્ષ માટે પ્રિવેન્ટિવ ડિટેન્શન હેઠળ નાસિક રોડ સેન્ટ્રલ જેલમાં મોકલવામાં આવ્યો છે. મહારાષ્ટ્રના ગૃહ વિભાગની મંજૂરી બાદ આ કાર્યવાહી કરવામાં આવી હતી.

પોલીસના જણાવ્યા અનુસાર, આરોપી સામે અગાઉ અનેક વખત NDPS એક્ટ હેઠળ કેસ નોંધાયા હતા. ધરપકડ, કોર્ટ કાર્યવાહી અને સજા મળ્યા બાદ પણ તે જામીન પર છૂટીને ફરીથી ડ્રગ્સના ગેરકાયદે ધંધામાં સક્રિય થઈ જતો હતો.

પોલીસ રેકોર્ડ મુજબ, આરોપી સામે NDPS એક્ટ હેઠળ કુલ સાત કેસ નોંધાયેલા છે. તપાસ દરમિયાન જાણવા મળ્યું હતું કે અનેક કેસોમાં ચાર્જશીટ દાખલ કરવામાં આવી હતી અને અગાઉ તેને દોષિત પણ ઠેરવવામાં આવ્યો હતો. તેમ છતાં, જામીન મળ્યા બાદ તે ફરીથી નશીલા પદાર્થોના ગેરકાયદે વેપારમાં જોડાઈ જતો હોવાનું પોલીસનું કહેવું છે.

મુંબઈ પોલીસની આ બંને કાર્યવાહી શહેરમાં નશીલા પદાર્થોના ગેરકાયદે વેપાર સામેની ઝુંબેશને વધુ મજબૂત બનાવતી હોવાનું માનવામાં આવી રહ્યું છે.