મધુરા જસરાજ, પંડિત જસરાજનાં પત્ની, દુર્ગા જસરાજનાં માતાનું 86 વર્ષની વયે નિધન

મધુરા જસરાજ, પંડિત જસરાતનાં પત્ની, વી શાંતરામના દીકરી અને દુર્ગા જસરાજનાં માતા હતાં. તેમણે પોતાના પિતા અને જીવનસાથીના કામની ડોક્યુમેન્ટેશનની કામગીરી બખુબી નિભાવી હતી

મધુરા જસરાજે ભારતીય શાસ્ત્રીય સંગીતના પ્રચાર પ્રસારમાં મોટું યોગદાન આપ્યું હતું

સ્વર્ગસ્થ પંડિત જસરાજનાં પત્ની મધુરા પંડિત જસરાજનું આજે વહેલી સવારે નિધન થયું હતું. આ સમાચારની પુષ્ટિ તેની પુત્રી દુર્ગા જસરાજ દ્વારા કરવામાં આવી હતી,તેમણે શૅર કર્યું હતું કે મધુરા છેલ્લા કેટલાક સમયથી બીમાર હતી. દુર્ગાએ પણ તેની માતાના અવસાન પર દુ:ખ વ્યક્ત કર્યું: "તેમનું યોગદાન ખૂબ જ મોટું રહ્યું છે, તેમણે પોતાના પિતા   પિતા ડૉ. વી. શાંતારામ અને મારા પિતા, પંડિત જસરાજજી બંનેના વારસાનું અદ્ભૂત ડોક્યુમેન્ટેશન કર્યું છે, ઘણું બધું રિસ્ટોર કર્યું છે." એક સમયે અંતાક્ષરી શોના હોસ્ટ તરીકે ટેલિવિઝન પર લોકોના ઘરે પહોંચેલા દુર્ગા જસરાજે આ વાત ટાઇમ્સ ઑફ ઈન્ડિયાને આપેલા નિવેદનમાં જણાવી હતી.

પંડિત જસરાજ પરિવારનું સત્તાવાર નિવેદન
પંડિત જસરાજ પરિવારના પ્રવક્તાએ પણ મૃતકના અંતિમ સંસ્કાર અંગેના સમાચાર અને સત્તાવાર નિવેદન શેર કર્યું હતું. પ્રવક્તાએ જણાવ્યું, “સ્વર્ગસ્થ પંડિત જસરાજનાં પત્ની અને દુર્ગા જસરાજ અને શારંગ દેવનાં માતા મધુરા પંડિત જસરાજ (86)નું 25 સપ્ટેમ્બરના રોજ વહેલી સવારે ઘરે વય સંબંધિત બીમારીને કારણે નિધન થયું હતું."વધુ માહિતી અનુસાર મધુરા જસરાજના નશ્વર અવશેષો આજે બપોરે તેના ઘરેથી નીકળી જશે, અને બુધવાર, 25 સપ્ટેમ્બરના રોજ સાંજે 4:00 થી 4:30 વાગ્યાની વચ્ચે ઓશિવારા સ્મશાનગૃહમાં તેમનાં અંતિમ સંસ્કાર કરવામાં આવશે. પ્રવક્તાએ જણાવ્યું હતું કે, "તેમના પાર્થિવ દેહ શિવ-કરણ બિલ્ડીંગ, ફિશરીઝ યુનિવર્સિટી રોડ, યારી રોડની બહાર, અંધેરી (પ) ખાતેના તેમના ઘરેથી બપોરે 3:30 થી 4:00 વાગ્યાની વચ્ચે નીકળશે અને ઓશિવારામાં અંતિમ સંસ્કાર કરવામાં આવશે. બુધવાર, 25 સપ્ટેમ્બરના રોજ સાંજે 4:00 થી 4:30 વાગ્યાની વચ્ચે સ્મશાનગૃહ." ભારતીય શાસ્ત્રીય ગાયક પંડિત જસરાજ વિશેનું વિગતવાર ડોક્યુમેન્ટેશન કરવા ઉપરાંત મધુરા જસરાજે પોતે શાસ્ત્રીય સંગીતની જાળવણી અને પ્રચારમાં નિર્ણાયક ભૂમિકા ભજવી હતી. મધુરા પંડિત જસરાજનાં પત્ની હતાં.

પંડિત જસરાજની  સંગીત કારકિર્દી 80 વર્ષથી વધુ લાંબી હતી. તેમની શાનદાર કારકિર્દીમાં, તેમણે ભારતીય સંગીતમાં તેમના યોગદાન માટે પદ્મશ્રી, પદ્મ ભૂષણ અને પદ્મ વિભૂષણ સહિત અનેક પુરસ્કારો અને સન્માન પ્રાપ્ત કર્યા હતા. તેમનું કામ સીમાઓ વટાવીને યુનાઇટેડ સ્ટેટ્સ અને કેનેડા જેવા દેશોમાં પહોંચ્યું હતું. ગાયક તરીકેની તેમની તાલીમ નાની ઉંમરે શરૂ થઈ હતી, અને સંગીતની દુનિયામાં તેમના અપાર યોગદાન માટે, તેમને 1975માં પદ્મશ્રી, 1990માં પદ્મ ભૂષણ, 2013 માં ભારત રત્ન ભીમસેન જોશી શાસ્ત્રીય સંગીત લાઈફટાઈમ અચીવમેન્ટ એવોર્ડ, અને 2014માં મારવાડ સંગીત રત્ન પુરસ્કાર. વર્ષ 2000માં, પંડિત જસરાજને પદ્મ વિભૂષણ, ભારતના બીજા ક્રમનું સર્વોચ્ચ નાગરિક સન્માન એનાયત કરવામાં આવ્યું હતું.