પદ્માવત જૌહરની ટિપ્પણી વિવાદમાં સ્વરા ભાસ્કરને ‘શૂર્પણખા’ કહી, કમેન્ટ બંધ કરી

સ્વરાએ પોસ્ટનું કેપ્શન આપ્યું હતું, "જન્માષ્ટમીની શુભકામનાઓ!" જોકે, કમેન્ટ સૅકશને પોસ્ટ કરતાં વધુ ધ્યાન ખેંચ્યું હતું. સ્વરાએ તેની ઇન્સ્ટાગ્રામ પોસ્ટ પર ટિપ્પણીઓ લિમિટેડ કરી હતી; તેના પર "ફક્ત કેટલાક એકાઉન્ટ્સ જ કમેન્ટ  કરી શકે છે".

સ્વરા ભાસ્કર

બૉલિવુડ અભિનેત્રી સ્વરા ભાસ્કરે 4 સપ્ટેમ્બરના રોજ જન્માષ્ટમીના અવસર પર સોશિયલ મીડિયા પર એક પોસ્ટ શૅર કરી હતી. પોસ્ટમાં, તેણે ભગવાન કૃષ્ણનું એક ચિત્ર શૅર કર્યું હતું જેમાં વાસુદેવ બાળ કૃષ્ણને યમુના નદી પાર લઈ જતા દર્શાવવામાં આવ્યા હતા, અને શેષનાગ તેમને વરસાદથી બચાવતા હતા. સ્વરાએ પોસ્ટનું કેપ્શન આપ્યું હતું, "જન્માષ્ટમીની શુભકામનાઓ!" જોકે, કમેન્ટ સૅકશને પોસ્ટ કરતાં વધુ ધ્યાન ખેંચ્યું હતું. સ્વરાએ તેની ઇન્સ્ટાગ્રામ પોસ્ટ પર ટિપ્પણીઓ લિમિટેડ કરી હતી; તેના પર "ફક્ત કેટલાક એકાઉન્ટ્સ જ કમેન્ટ  કરી શકે છે". આ એવા સમયે બન્યું જ્યારે તેણે ફિલ્મ પદ્માવતમાં જૌહર દ્રશ્ય અંગેની તેની ભૂતકાળની ટિપ્પણીઓ માટે ટીકાનો સામનો કરી રહી હતી.

રાજકોટમાં ભક્તિ સ્વામીએ પણ કરી ટીકા

4 સપ્ટેમ્બરના રોજ જન્માષ્ટમી નિમિત્તે રાજકોટમાં આયોજિત એક ધાર્મિક કાર્યક્રમ દરમિયાન સ્વરાના નિવેદનની પણ ટીકા કરવામાં આવી હતી. ખીરસરા સ્વામિનારાયણ મંદિરના સ્વામી અને વિશ્વ હિન્દુ પરિષદની જન્માષ્ટમી ઉત્સવ સમિતિના ધાર્મિક વડા ભક્તિ સ્વામીએ સ્વરાને ‘શૂર્પનખ’ તરીકે ઓળખાવી હતી. તેમણે કહ્યું, "પોતાના સન્માન માટે બધું જ બલિદાન આપતી ક્ષત્રિય મહિલાઓ વિશે આવી ટિપ્પણીઓ કરવી એ તેમના બલિદાનનું અપમાન છે." વિશ્વ હિન્દુ પરિષદના કેન્દ્રીય મંત્રી શંકર ભાઉએ પણ સ્વરાની ટીકા કરી હતી. તેમણે અભિનેત્રીને દેશમાં મહિલા સશક્તિકરણની વિભાવના પર ‘કલંક’ ગણાવી હતી. શંકર ભાઉએ કહ્યું, "તે મહિલા સશક્તિકરણ માટે કલંક છે; તે એક કીડો છે."

સ્વરા ભાસ્કરનું નિવેદન શું હતું?

સ્વરાએ ફિલ્મ પદ્માવતમાં જૌહર દ્રશ્ય અંગે આપેલા નિવેદનથી વિવાદ ઉભો થયો હતો. લગભગ 800 મહિલાઓએ જૌહર સ્વીકાર્યું હતું તે દ્રશ્યનો ઉલ્લેખ કરતા, તેણે કહ્યું હતું કે, "ભગવાનના કરે, જો હું બળાત્કાર પીડિતા હોત, તો આ ફિલ્મ મને શું કહી રહી હતી? હું કાયર લાગત કારણ કે મેં મારી ઇજ્જત બચાવવા માટે આત્મહત્યા કરી નથી. શું તમે આપણા સમાજમાં આ જ વાત કહેવા માગો છો, જ્યાં મને લાગે છે કે બળાત્કારનો રોગચાળો પહેલાથી જ ફેલાયેલો છે? શું તમે આપણા પીડિતોને કહેવા માગો છો કે તેમને જીવવાનો કોઈ અધિકાર નથી?" પછીથી, સ્વરાએ સ્પષ્ટતા કરી કે તે રાણી પદ્માવતી કે જૌહરનું પાત્ર ભજવનારી મહિલાઓને ‘કાયર’ કહી રહી નથી. તેણે દાવો કર્યો હતો કે તેના નિવેદનનું ખોટું ભાષાંતર અને ખોટી રીતે રજૂ કરવામાં આવ્યું હતું. જોકે તેને લઈને વિવાદ સતત વધી જ રહ્યો છે.

જૌહર પર સ્વરા ભાસ્કરની ટિપ્પણીથી કરણી સેના ભડકી

ક્ષત્રિય મહિલાઓના જૌહર પર વિવાદાસ્પદ નિવેદન કરીને સ્વરા ભાસ્કર મુશ્કેલીમાં છે. હવે કરણી સેનાએ તેમને પડકાર ફેંક્યો છે અને કહ્યું છે કે તમારામાં હિંમત હોય તો હલાલા પર સવાલ ઉઠાવીને બતાવ. ફિલ્મ અભિનેત્રી સ્વરા ભાસ્કર ફરી એકવાર વિવાદમાં છે. રાજપૂત સમાજની ક્ષત્રિય મહિલાઓના જૌહર (જૌહર) પર સવાલ ઉઠાવતા અને તેમને `કાયર` ગણાવતા તેમણે આપેલા નિવેદન પર આકરી પ્રતિક્રિયા વ્યક્ત કરવામાં આવી રહી છે. રાજસ્થાનમાં કરણી સેનાની મહિલા પાંખની પ્રમુખ કીર્તિ રાઠોડનું કહેવું છે કે સ્વરા ભાસ્કર પાસે કોઈ માહિતી નથી. તે આવા નિવેદનો કરીને ક્ષત્રિયોનું અપમાન કરી રહી છે. આ બહાદુર મહિલાઓના બલિદાનનું અપમાન છે. કરણી સેના તેમનો વિરોધ કરે છે. જો તેમનામાં હિંમત હોય તો તેમણે ઈસ્લામની હલાલા પ્રથા પર સવાલ ઉઠાવવો જોઈએ.