21 February, 2023 02:36 PM IST | Mumbai | Gujarati Mid-day Online Correspondent
તસવીર સૌજન્ય: જાહ્નવી કપૂરનું ઇન્સ્ટાગ્રામ એકાઉન્ટ
ભારતીય સિનેમાની પ્રથમ મહિલા સુપરસ્ટાર, પ્રખ્યાત અભિનેત્રી શ્રીદેવી (Sridevi)નું 24 ફેબ્રુઆરી, 2018ના રોજ નિધન થયું હતું. 54 વર્ષની વયે આકસ્મિક રીતે ડૂબી જવાથી અભિનેત્રીનું મૃત્યુ થયું હતું. તેમનો મૃતદેહ દુબઈની એક હોટલના બાથટબમાં મળી આવ્યો હતો. અભિનેત્રી તેના ભત્રીજા મોહિત મારવાહના લગ્નમાં હાજરી આપવા યુએઈ ગયાં હતાં. આજે પણ લોકો તેમને યાદ યાદ કરે છે.
ખાસ કરીને અભિનેત્રી જાહ્નવી કપૂર (Janhvi Kapoor) તેની માતાને ખૂબ જ મિસ કરી રહી છે. તાજેતરમાં, અભિનેત્રીએ તેના ઇન્સ્ટાગ્રામ પર પોતાની અને તેની સ્વર્ગસ્થ માતાની નિખાલસ તસવીર શેર કરી હતી. આ તસવીર કોઈ ઈવેન્ટની હોવાનું મનાય છે. આ ફોટોમાં જાહ્નવી શ્રીદેવીને જોઈ રહી છે. પરંપરાગત દાગીના સાથે સુંદર સાડીમાં સજ્જ, અનુભવી સ્ટાર અદ્ભુત દેખાય રહી છે.
જાહ્નવી કપૂરે ફોટોની સાથે એક ઈમોશનલ નોટ પણ લખી છે કે “મમ્મી, હું જે પણ કરું છું તેમાં હજી પણ તને જ શોધું છું અને હું આશા રાખું છું કે હું તને ગૌરવાન્વિત કરું. હું જ્યાં પણ જાઉં છું અને જે પણ કરું છું - તે તારી સાથે જ શરૂ થાય છે અને તારી સાથે જ સમાપ્ત થાય છે." સંજય કપૂર, માહીપ કપૂર અને મનીષ મલ્હોત્રા, જેઓ શ્રીદેવીની ખૂબ નજીક તેમણે કૉમેન્ટ સેક્શનમાં દિલની ઇમોજીસ સાથે પ્રતિક્રિયા આપી. ચાહકોએ જ્હાન્વી માટે મીઠા સંદેશાઓ પણ મૂક્યા.
એક યુઝરે લખ્યું કે, “તેમને તમારા પર ગર્વ છે.” બીજાએ લખ્યું કે, "તે હંમેશા તમારી સાથે છે!. જાહ્નવી કપૂર છેલ્લી વખત સર્વાઇવલ થ્રિલર મિલીમાં જોવા મળી હતી. યુવા અભિનેત્રીએ ફિલ્મમાં તેના પાવર-પેક્ડ અભિનયથી બધાને પ્રભાવિત કર્યા હતા. તેના પિતા બોની કપૂર દ્વારા તેને બેંકરોલ કરવામાં આવી હતી.”
આ પણ વાંચો: Dadasaheb Phalke Awards : અનુપમ ખેરે વરુણ ધવનને આપી પપ્પી, જુઓ બન્નેનું બોન્ડિંગ
સ્પોર્ટ્સ ડ્રામા ફિલ્મમાં જોવા મળશે
આ પછી જાન્હવી કપૂર રાજકુમાર રાવ સાથે મિસ્ટર એન્ડ મિસિસ માહીમાં જોવા મળશે. તે તેની પ્રથમ સ્પોર્ટ્સ ડ્રામા ફિલ્મમાં ક્રિકેટરની ભૂમિકા ભજવશે. જાહ્નવી ઘણીવાર તેની માતાને યાદ કરીને ઇન્સ્ટાગ્રામ પર પોસ્ટ શેર કરતી રહે છે.