રેપર બાદશાહ ફરી ચડશે ઘોડીએ! એક્ટ્રેસ ગર્લફ્રેન્ડ સાથે કરશે બીજા લગ્ન

ભૂતકાળમાં રેપર બાદશાહ સાથે કામ કરી ચૂકેલા મ્યુઝિક લેબલના કર્મચારીએ પણ આ વાતચીતની પુષ્ટિ કરી છે

ફાઇલ તસવીર

સિંગર-રેપર બાદશાહ (Badshah) તેની એક્ટ્રેસ ગર્લફ્રેન્ડ ઈશા રિખી (Isha Rikhi) સાથે લાંબા સમયથી રિલેશનશિપમાં છે. હવે અહેવાલો આવી રહ્યા છે કે કપલ તેમના સંબંધોને નવા સ્તરે લઈ જવા માટે તૈયાર છે. એક ન્યૂઝ પોર્ટલના અહેવાલ મુજબ, બાદશાહ અને ઈશા આ મહિને લગ્ન કરવાના છે. તેઓ આવતીકાલે ઉત્તર ભારતમાં ગુરુદ્વારામાં લગ્ન કરશે. ઈશા તાજેતરમાં શહેરમાં લગ્નની ખરીદી કરતી જોવા મળી હતી. જોકે, તેમના લગ્ન વિશે અમુક જ મિત્રોને ખબર છે.

બાદશાહ કરી રહ્યો છે બીજા લગ્ન?

ભૂતકાળમાં રેપર બાદશાહ સાથે કામ કરી ચૂકેલા મ્યુઝિક લેબલના કર્મચારીએ પણ આ વાતચીતની પુષ્ટિ કરી છે. જ્યારે તેનો સંપર્ક કરવામાં આવ્યો ત્યારે, રિખીએ `નો કોમેન્ટ`નું સ્ટેન્ડ જાળવી રાખ્યું હતું. ગયા વર્ષે તેમના સંબંધોના સમાચાર ઇન્ટરનેટ પર આવ્યા હતા. જો કે, દંપતીએ ન તો આ સમાચારની પુષ્ટિ કરી કે ન તો નકારી કાઢ્યા હતા. તે જ સમયથી બંનેએ પોતાના સંબંધો અંગે મૌન સેવ્યું હતું.

બાદશાહ એક પુત્રીનો પિતા

બાદશાહના અગાઉ જાસ્મીન મસીહ સાથે લગ્ન થયા હતા, જેની સાથે તેને જેસામી ગ્રેસ મસીહ સિંહ નામની પુત્રી છે. આ દંપતીએ 2020માં કેટલાક કારણોસર છૂટાછેડા લીધા હતા, જે વાત બહુ ઓછા લોકો જાણે છે.

આ પણ વાંચો: એક ઍક્ટર તરીકે ઇન્ડસ્ટ્રીમાં રહેવું ખૂબ અઘરું છે : કુણાલ ખેમુ

પ્રથમ લગ્ન ગુપ્ત રીતે કર્યા

બાદશાહની પૂર્વ પત્ની જાસ્મીન એક ખ્રિસ્તી પરિવારની છે અને તેની સાંસ્કૃતિક પૃષ્ઠભૂમિ અલગ છે. તેથી, ઘોડી, બારાત અને ફેરા પસંદ કરવાને બદલે તેમણે ખ્રિસ્તી રીતિરિવાજ સાથે લગ્ન કર્યા હતા. તેથી, દંપતીએ 2012માં કોઈપણ મીડિયા કવરેજ વિના લગ્ન કર્યાં હતા. જો કે, બાદશાહની પુત્રીના જન્મ પછી જ તેમના ચાહકોને તેમના લગ્ન વિશે ખબર પડી હતી. બાદમાં તેઓ અલગ પણ થઈ ગયા હતા.