ઇન્ડિયા અને ‘RRR’ને શું ટ્રિબ્યુટ આપી?

ઑસ્કર્સમાં દુનિયાભરની સામે તેઓ ઇન્ડિયન સિનેમાને રેપ્રિઝેન્ટ કરી રહ્યા હતા

જુનિયર એનટીઆર

જુનિયર એનટીઆરે તેનાં કપડાં દ્વારા ઇન્ડિયા અને ‘RRR’ને ટ્રિબ્યુટ આપી છે. જુનિયર એનટીઆરે બ્લૅક વેલ્વેટ કસ્ટમ-મેડ બંધગલા આઉટફિટ પહેર્યો હતો.​ ડિઝાઇનર ગૌરવ ગુપ્તાએ એના પર ગોલ્ડ મેટાલિક એમ્બ્રૉઇડરી કરી હતી. આ એમ્બ્રૉઇડરી ઇન્ડિયાના નૅશનલ ઍનિમલ ટાઇગરની છે. ‘RRR’ના ઇન્ટરવલમાં જે આઇકૉનિક દૃશ્ય છે એને પણ આ એમ્બ્રૉઇડરી રેપ્રિઝેન્ટ કરે છે. તેમ જ જુનિયર એનટીઆરની ઇમેજ માટે પણ મોટા ભાગે ફિલ્મમાં વાઘનો ઉપયોગ કરવામાં આવે છે. આ વિશે ગૌરવ ગુપ્તાએ કહ્યુ કે ‘મેં ઘણી વાતોને ધ્યાનમાં રાખીને મિસ્ટર જુનિયર એનટીઆર માટે આ ક્સટમ-મેડ બંધગલા ડિઝાઇન કર્યો હતો. ઑસ્કર્સમાં દુનિયાભરની સામે તેઓ ઇન્ડિયન સિનેમાને રેપ્રિઝેન્ટ કરી રહ્યા હતા. આથી જુનિયર એનટીઆરની પર્સનાલિટી તેનાં કપડાં પર પણ દેખાય એ મારા માટે જરૂરી હતું. બ્લૅક વેલ્વેટ બંધગલા પર ટાઇગરની એમ્બ્રૉઇડરી તેની સાથે મૅચ થાય છે અને ખૂબ જ સુંદર લાગી રહી હતી. જુનિયર એનટીઆરને યંગ ટાઇગર તરીકે ઓળખવામાં આવે છે અને ટાઇગર ઇન્ડિયાનું નૅશનલ ઍનિમલ પણ છે અને એ ‘RRR’ને પણ રેપ્રિઝેન્ટ કરે છે.’