07 May, 2024 06:39 PM IST | Mumbai | Gujarati Mid-day Online Correspondent
શેખર સુમન (ફાઈલ તસવીર)
બિહારના રાજકારણમાંથી મોટા સમાચાર સામે આવ્યા છે. અભિનેતા શેખર સુમન બીજેપીમાં સામેલ થઈ ગયા છે. લોકસભાની ચૂંટણીની વચ્ચે શેખર સુમનનું ભાજપ સાથે જોડાવું એ એક રીતે INDI ગઠબંધન માટે મોટો ફટકો છે. 2009ની લોકસભાની ચૂંટણીમાં શેખર સુમને કૉંગ્રેસની ટિકિટ પર પટના સાહિબથી ચૂંટણી લડી હતી. તે સમયે તેમને હારનો સામનો કરવો પડ્યો હતો. તેઓ નવી દિલ્હીમાં ભાજપના મુખ્યાલયમાં જોડાયા હતા. અભિનેતા હોવા ઉપરાંત તેઓ નિર્માતા, દિગ્દર્શક અને પટકથા લેખક પણ છે. તે તાજેતરમાં વેબ સિરીઝ હીરામંડીમાં જોવા મળ્યો હતો.
Lok Sabha Election 2024: લોકપ્રિય અભિનેતા અને ટીવી હોસ્ટ શેખર સુમન મંગળવારે ભારતીય જનતા પાર્ટીમાં જોડાયા. મીડિયાને સંબોધતા તેમણે કહ્યું કે ગઈકાલ સુધી તેમને ખબર નહોતી કે તેઓ આ પગલું ભરશે. આ નિર્ણય માટે હું ભગવાનનો આભાર માનું છું. શેખર સુમનનો રાજકારણમાં આ પહેલો પ્રવેશ નથી.
કથની અને કરણી વચ્ચે તફાવત છેઃ શેખર સુમને આ સમય દરમિયાન મીડિયાને સંબોધતા કહ્યું કે ગઈકાલ સુધી તેમને ખબર નહોતી કે તેઓ આ પગલું ભરશે. આ નિર્ણય માટે હું ભગવાનનો આભાર માનું છું.
કૉંગ્રેસની ટિકિટ પર ચૂંટણી લડનાર શેખર સુમન બીજી વખત પોતાની રાજકીય ઇનિંગ રમવા માટે ભાજપ સાથે જોડાયા છે. અગાઉ તેઓ કૉંગ્રેસની ટિકિટ પર લોકસભાની ચૂંટણી લડ્યા હતા. તેમણે 2009ની લોકસભાની ચૂંટણી પટના સાહિબ બેઠક પરથી લડી હતી. તે સમયે શત્રુઘ્ન સિન્હા ભાજપના ઉમેદવાર હતા. જોકે, તેમને હારનો સામનો કરવો પડ્યો હતો.
શું કહ્યું શેખર સુમને?
Lok Sabha Election 2024: ભાજપ સાથે જોડાયા બાદ શેખર સુમને કહ્યું કે ગઈકાલ સુધી મને ખબર નહોતી કે હું આજે અહીં બેઠો રહીશ. "જીવનમાં ઘણી વસ્તુઓ થાય છે. હું અહીં ખૂબ જ સકારાત્મક માનસિકતા સાથે આવ્યો છું અને હું ભગવાનનો આભાર માનવા માંગુ છું કે તેમણે મને અહીં આવવાનો આદેશ આપ્યો છે અને હું ભાજપ સાથે આવ્યો છું.
ઉલ્લેખનીય છે કે શેખર સુમનના મોટા દીકરા આયુષનું ૧૧ વર્ષની ઉંમરે ૧૯૯૫ની ત્રીજી એપ્રિલે અવસાન થયું હતું. તેને કોઈ રૅર બીમારી થઈ હતી. આ બીમારી સાથે તેણે ચાર વર્ષ સુધી જંગ લડ્યો હતો. દીકરાની સારવાર માટે શેખર સુમને અનેક ડૉક્ટર્સને પણ કન્સલ્ટ કર્યા હતા. આમ છતાં આયુષ બચી શક્યો નહીં. એથી તેને ભગવાન પરથી વિશ્વાસ ઊઠી ગયો હતો અને તેણે તમામ મૂર્તિઓને હટાવી દીધી હતી. તેણે ઘરના મંદિરને પણ બંધ કરી દીધું હતું. આજે પણ દીકરાને યાદ કરીને શેખર સુમન ઇમોશનલ થઈ જાય છે. દીકરા સાથે પસાર કરેલા અંતિમ સમયને યાદ કરતાં શેખર સુમન કહે છે, ‘ચમત્કાર નથી થતા. એક દિવસની વાત છે. વરસાદ મુશળધાર વરસી રહ્યો હતો અને આયુષની તબિયત ઠીક નહોતી. ડિરેક્ટર પણ મારા બાળકની સિરિયસ કન્ડિશન જાણતો હતો. આમ છતાં તેણે મને બે-ત્રણ કલાક માટે શૂટ પર આવવાની વિનંતી કરી હતી. મેં ના પાડી તો તેણે કહ્યું કે ‘પ્લીઝ આવી જાઓ, નહીં તો મને ખૂબ મોટું નુકસાન થશે.’ હું જવા માટે રાજી થઈ ગયો. હું ઘરેથી જ્યારે નીકળી રહ્યો હતો ત્યારે આયુષે મારો હાથ પકડીને કહ્યું કે ‘પાપા પ્લીઝ આજે ન જાઓ.’ મેં તેને પ્રૉમિસ કર્યું કે હું જલદી પાછો આવી જઈશ. એ ક્ષણને તો હું આજ દિન સુધી નથી ભૂલ્યો.’