Video: રોહિત શર્માના શૉટથી ગ્રાઉન્ડ સ્ટાફ..., ખેલાડી મદદ માટે તરત જ દોડતો થયો

આ સિઝનમાં પાંચ મૅચ હાર્યા બાદ, રોહિત શર્માએ લખનઉ સુપર જાયન્ટ્સ (LSG) સામેની મૅચમાં જબરદસ્ત વાપસી કરી હતી. LSG સામેની મૅચમાં, રોહિતે 84 રનની આક્રમક ઇનિંગ રમી, જેનાથી ટીમને 229 રનના લક્ષ્યનો સફળતાપૂર્વક ચેસ કરવામાં મદદ મળી.

વાયરલ વીડિયોમાંથી સ્ક્રીન શૉટ (તસવીર: સોશિયલ મીડિયા)

IPL 2026 માં, મુંબઈ ઇન્ડિયન્સ (MI)ની સ્થિતિ ઘણી નાજુક અને અનિશ્ચિત છે, અને ટીમ પ્લેઓફની દોડમાંથી લગભગ બહાર થઈ ગઈ છે. છતાં , જો MI તેમની બાકીની ચારેય મૅચ જીતી લે, તો પણ ટીમનું ભાગ્ય `રન રેટ’ અને બાકીની ટીમના પરફોર્મન્સ પર ટકી રહ્યું. આ સિઝન દરમિયાન, ટીમે અત્યાર સુધી રમાયેલી 10 મૅચોમાં સતત ઉતાર-ચઢાવનો સામનો કર્યો છે જેમાં જીત કરતાં વધુ હાર MI ને મળી છે.

રોહિત શર્માનું કમબૅક અને શાનદાર પ્રદર્શન

આ સિઝનમાં પાંચ મૅચ હાર્યા બાદ, રોહિત શર્માએ લખનઉ સુપર જાયન્ટ્સ (LSG) સામેની મૅચમાં જબરદસ્ત વાપસી કરી હતી. LSG સામેની મૅચમાં, રોહિતે 84 રનની આક્રમક ઇનિંગ રમી, જેનાથી ટીમને 229 રનના લક્ષ્યનો સફળતાપૂર્વક ચેસ કરવામાં મદદ મળી. આ ઇનિંગ પછી, મુંબઈ ઇન્ડિયન્સે સીઝન માટે મહત્ત્વપૂર્ણ વિજય મેળવ્યો.

ગ્રાઉન્ડ્સમૅન પ્રેક્ટિસ દરમિયાન થયો હતો ઘાયલ

રૉયલ ચૅલેન્જર્સ બૅંગલુરુ (RCB) સામે રમાનારી તેમની આગામી મૅચની તૈયારી કરતી વખતે રોહિત શર્મા નૅટમાં પ્રેક્ટિસ કરી રહ્યો હતો. આ સત્ર દરમિયાન, તેણે એક કટ શૉટ માર્યો અને તે નજીકમાં ઉભેલા ગ્રાઉન્ડ્સમૅનના પગ પર વાગ્યો. વાગતાં જ, ગ્રાઉન્ડ્સમૅન જમીન પર ઢળી પડ્યો અને તેને ખૂબ દુખાવો થયો હતો. પરિસ્થિતિને તરત જ ઓળખીને, રોહિત શર્મા તેની તપાસ કરવા દોડી ગયો અને સપોર્ટ સ્ટાફને તાત્કાલિક તબીબી સહાય પૂરી પાડવા સૂચના આપી. આ ઘટનાનો એક વીડિયો સોશિયલ મીડિયા પર સામે આવ્યો છે.

રોહિત શર્મા પાછો ફૉર્મમાં આવ્યો

મુંબઈ ઇન્ડિયન્સની ટીમ ભલે સંઘર્ષ કરી રહી હોય, પણ રોહિત શર્મા સારા ફોર્મમાં દેખાય છે. તેણે પાંચ મૅચોમાં 55.25 ની સરેરાશથી 221 રન બનાવ્યા છે, 174 થી વધુનો સ્ટ્રાઈક રેટ જાળવી રાખ્યો છે. આ સમયગાળા દરમિયાન, તેણે બે અડધી સદી ફટકારી છે અને 15 છગ્ગા અને 9 ચોગ્ગા ફટકાર્યા છે. હવે, ટીમ અને રોહિત શર્મા બન્નેની નજર આગામી મૅચ પર છે, જ્યાં રોયલ ચેલેન્જર્સ બેંગલુરુ સામે તેમનું પ્રદર્શન ખૂબ મહત્ત્વનું રહેશે.

મુંબઈ ઇન્ડિયન્સમાં વર્તમાન કૅપ્ટન અને ભૂતપૂર્વ કૅપ્ટન વચ્ચે ટકરાવ?

રોહિત શર્માનું પ્રદર્શન
રન	૮૪
બૉલ	૪૪
ચોગ્ગા	૬
છગ્ગા	૭
સ્ટ્રાઇક-રેટ	૧૯૦.૯૦

રોહિતે સોમવારે ૪૪ બૉલમાં ૮૪ રન ફટકારી મુંબઈની હાઇએસ્ટ રન-ચેઝમાં મોટું યોગદાન આપ્યું હતું. લખનઉ સામે પણ આ કોઈ પણ ટીમની સૌથી મોટી રન-ચેઝ હતો. રોહિત લખનઉ સામે સૌથી મોટી ઇનિંગ્સ રમનાર મુંબઈનો બૅટર બન્યો હતો. તેણે પોતાની એક IPL ઇનિંગ્સના સૌથી વધુ ૭ સિક્સ પણ આ મૅચમાં ફટકાર્યા હતા. સીઝનની માત્ર ત્રીજી જીત સાથે મુંબઈએ વાનખેડેમાં સતત ૪ મૅચથી હારવાનો સિલસિલો પણ અટકાવ્યો હતો.