બિહારનો IIT ગ્રૅજ્યુએટ અભિષેક આનંદ જપાનની ટીમ માટે ક્રિકેટ રમી ચૂક્યો છે

બિહારના અભિષેક આનંદનો ‘બિહારીઓ ક્યાં નથી જોવા મળતા?’ કહેતો વિડિયો વાઇરલ થયો છે. IIT કાનપુરના ભૂતપૂર્વ વિદ્યાર્થી આનંદ ૨૦૨૫થી જપાનની ક્રિકેટ ટીમનો હિસ્સો બન્યો છે અને ૧૮ T20 મૅચમાં ૨૭૫ રન કર્યા છે.

અભિષેક આનંદ

બિહારના વતની અને IIT-કાનપુરના ભૂતપૂર્વ વિદ્યાર્થી એવા અભિષેક આનંદનો એક વિડિયો સોશ્યલ મીડિયા પ્લૅટફૉર્મ પર ભારે વાઇરલ થયો છે. આ વિડિયોમાં તેને પૂછવામાં આવ્યું કે ‘બિહારી હોવા છતાં તે જપાન માટે કેવી રીતે રમવા લાગ્યો? ત્યારે તેણે જવાબ આપ્યો કે ‘ભાઈ, બિહારીઓ ક્યાં નથી જોવા મળતા?’
૨૮ વર્ષનો આનંદ ૨૦૨૨માં સ્નાતક થયા બાદ કામ માટે જપાન ગયો હતા અને ૨૦૨૫થી જપાનની રાષ્ટ્રીય ક્રિકેટ ટીમનો સભ્ય બન્યો હતો. ૧૮ T20 મૅચમાં એક ફિફ્ટીની મદદથી ૨૭૫ રન કરવાની સાથે તે એક વિકેટ પણ લઈ ચૂક્યો છે. આ વર્ષે મે મહિનામાં તે ટીમ માટે છેલ્લી વખત રમ્યો હતો. હાલમાં તે એશિયન ગેમ્સ કે ભારત સામેની મૅચ માટે જપાનની સ્ક્વૉડનો ભાગ નથી.