શરીર નીચે કશુંક રાખીને સૂઈ જાઓ અને સવારે મેળવો ત્વચા પર અવનવી ડિઝાઇન

એક ભાઈને આમાં પણ આર્ટ દેખાઈ અને તેણે રોજ આવા ત્વચા પર છાપ પડી ગયેલા ફોટોગ્રાફ્સનો સંગ્રહ કરવાનું શરૂ કર્યું

શરીર પર અવનવી ડિઝાઇન

આપણે સૂઈ જઈએ ત્યારે એક જ પડખે સૂતા હોઈએ કે ત્વચાની નીચે કશુંક દબાતું હોય અને લાંબો સમય દબાતું રહે તો ત્વચા પર એની છાપ પડી જાય છે. આ શરીરનો નૅચરલ રિસ્પૉન્સ છે. ત્વચા પર કોઈ ચીજ દબાવીને રાખવાથી એની છાપ ઊપસી આવે અને થોડીક સેકન્ડ્સ માટે એ છાપ રહે અને પછી આપમેળે ગાયબ થઈ જાય. જો બ્લડ-સર્ક્યુલેશન બરાબર ન હોય તો આ છાપ લાંબો સમય ત્વચા પર રહે છે. રોજબરોજના જીવનમાં કદાચ દરેકના જીવનમાં બનતું હશે કે સૂતી વખતે મોબાઇલ, રિમોટ કન્ટ્રોલ કે હૅન્ડ્સ-ફ્રીના વાયર તમારા શરીર નીચે દબાઈ ગયા હોય. એ વખતે પીઠ, હાથ કે ગાલ પર એની છાપ ઊપસી આવે છે. એક ભાઈને આમાં પણ આર્ટ દેખાઈ અને તેણે રોજ આવા ત્વચા પર છાપ પડી ગયેલા ફોટોગ્રાફ્સનો સંગ્રહ કરવાનું શરૂ કર્યું અને રોજ સોશ્યલ મીડિયામાં શૅર પણ કરે છે.