ઈટાલીના PM મેલોનીએ પ્રશંસામાં કહ્યું એવું, જે સાંભળી PM મોદીના ચહેરા પર આવ્યું સ્મિત 

ઈટલીના વડાપ્રધાન જિયોર્જિયા મેલોની(Italy PM Georgia Meloni)એ પીએમ મોદી (PM Modi) વિશે એવા તો શું શબ્દો બોલ્યા કે પીએમ મોદી મંદ મંદ હસવાનું ન રોકી શક્યા...જાણો

વીડિયોમાંથી સ્ક્રીનશોટ (તસવીર: ટ્વિટર)

વડાપ્રધાન નરેન્દ્ર મોદી(PM Narendra Modi)અને ઈટાલીના વડાપ્રધાન જિયોર્જિયા મેલોની(Italy PM Georgia Meloni)વચ્ચે ગુરુવારે એટલે કે આજે મુલાકાત થઈ. આ દરમિયાન બંને દેશોના વડાપ્રધાનોએ દ્વિપક્ષીય બેઠક યોજી હતી. ઈટલીના વડાપ્રધાન જિયોર્જિયા મેલોનીએ કહ્યું કે પીએમ મોદી દુનિયાભરમાં તમામ નેતાઓના સૌથી પ્રિય છે. વાસ્તવમાં આ એક સિદ્ધિ છે કે તે એક પ્રમુખ નેતા છે અને એ બદલ તેમને અભિનંદન. 

મેલોની જ્યારે સંબોધન કરી રહ્યાં હતાં ત્યારે તેમણે પીએમ મોદી વિશે આ શબ્દો ઉચ્ચાર્યા હતાં. ઈટાલીના વડાપ્રધાનના મુખેથી આ વાત સાંભળી પીએમ મોદીના ચહેરા પર સ્મિત આવી ગયું. જેનો વીડિયો પણ સામે આવ્યો છે. 

પીએમ મોદીએ રશિયા-યુક્રેન યુદ્ધ પર પણ વાત કરી

પીએમ મોદીએ ગુરુવારે કહ્યું કે ભારત યુક્રેન સંઘર્ષનો ઉકેલ શોધવા માટે શાંતિ પ્રક્રિયામાં યોગદાન આપવા માટે સંપૂર્ણ રીતે તૈયાર છે. મુલાકાતે આવેલા ઈટાલીના વડાપ્રધાન જ્યોર્જિયા મેલોની સાથે દ્વિપક્ષીય વાતચીત બાદ મોદીએ કહ્યું કે, "યુક્રેન સંઘર્ષની શરૂઆતથી જ ભારતે સ્પષ્ટ કરી દીધું છે કે આ વિવાદનો ઉકેલ માત્ર વાતચીત અને રાજદ્વારી દ્વારા જ લાવી શકાય છે." ભારત કોઈપણ શાંતિ પ્રક્રિયામાં યોગદાન આપવા માટે સંપૂર્ણ રીતે તૈયાર છે.

આ પણ વાંચો: દીકરા બાદ મા મુશ્કેલીમાં, શાહરુખના પત્ની Gauri Khan વિરુદ્ધ લખનૌમાં FIR દાખલ

પીએમ મોદી સાથે મીડિયાને સંબોધિત કરતી વખતે, મેલોનીએ કહ્યું કે ઇટાલી અપેક્ષા રાખે છે કે ભારત તેના G-20 ના પ્રમુખપદ દરમિયાન યુક્રેનમાં ચાલી રહેલા સંઘર્ષને સમાપ્ત કરવાની પ્રક્રિયામાં વાટાઘાટો અને સુવિધા આપવામાં કેન્દ્રીય ભૂમિકા ભજવશે. મોદીએ કહ્યું કે તેમણે અને ઈટાલિયન વડા પ્રધાને વિકાસશીલ દેશો પર યુક્રેન સંઘર્ષની પ્રતિકૂળ અસર અંગે ચિંતા વ્યક્ત કરી હતી. યુક્રેનના સંઘર્ષને કારણે તમામ દેશો ખોરાક, ખાતર અને ઈંધણની કટોકટીથી પ્રભાવિત થયા છે, એમ તેમણે જણાવ્યું હતું.

ખાસ કરીને વિકાસશીલ દેશો પર પ્રતિકૂળ અસર થઈ છે. અમે આ મુદ્દા પર અમારી ચિંતાઓ રજૂ કરી અને આ મુદ્દાઓને ઉકેલવા માટે સંયુક્ત પ્રયાસો પર ભાર મૂક્યો. યુક્રેન સંકટ પર મોદીની ટિપ્પણી એવા સમયે આવી છે જ્યારે G-20 દેશોના વિદેશ મંત્રીઓ અહીં બેઠક કરી રહ્યા છે.