કેરલમમાં કૉન્ગ્રેસની વાપસીના આસાર, લેફ્ટ ડેમોક્રૅટિક ફ્રન્ટનાં સૂપડાં સાફ

પ્રતીકાત્મક ફાઇલ તસવીર

ભારતમાં છેલ્લા એક મહિનામાં પાંચ રાજ્યોમાં થયેલી વિધાનસભાની ચૂંટણીમાં કેરલમ એકમાત્ર રાજ્ય છે જ્યાં કૉન્ગ્રેસનો સૂરજ ફરી ઊગે એવા આસાર છે. એક્ઝિટ પોલ મુજબ હાલમાં પિનરાઈ વિજયનના નેતૃત્વવાળી સત્તાધારી લેફ્ટ ડેમોક્રૅટિક ફ્રન્ટ (LDF)ને તગડો ફટકો લાગે એમ છે. કૉન્ગ્રેસના નેતૃત્વવાળા યુનાઇટેડ ડેમોક્રૅટિક ફ્રન્ટ (UDF)ને ૧૦ વર્ષ પછી ફરી સત્તા મળે એવું લાગી રહ્યું છે.

કેરલમમાં ૧૪૦ બેઠકો માટે નવમી એપ્રિલે મતદાન થયું હતું. સરકાર બનાવવા માટે ૭૧ બેઠકની જરૂર પડશે. એક્ઝિટ પોલના સર્વે મુજબ LDFની સત્તામાંથી વિદાય અને કૉન્ગ્રેસ UDFની પૂર્ણ બહુમતની સરકાર બને એમ છે. પોલ ઑફ પોલ્સમાં LDFને ૭૭-૭૯, LDFને ૫૯ અને BJP ગઠબંધનને બે બેઠકો મળે એવું અનુમાન છે.