01 March, 2026 07:25 AM IST | Mumbai | Gujarati Mid-day Correspondent
પ્રતીકાત્મક તસવીર
આજથી શરૂ થતા માર્ચ મહિનાથી ઘણા મહત્ત્વના ફેરફાર થઈ રહ્યા છે. રેલવે ટિકિટ : આજથી જનરલ અને પ્લૅટફૉર્મ ટિકિટ બુક કરવાના નિયમ બદલવામાં આવ્યા છે. રેલવેએ એની જૂની UTS ઍપ આજથી બંધ કરી છે અને એના સ્થાને રેલવન ઍપ એક્ટિવ થઈ છે. આ નવી ઍપ પર જનરલ ટિકિટ, પ્લૅટફૉર્મ ટિકિટ અને લોકલ યાત્રા સાથે જોડાયેલી ચીજો ઉપલબ્ધ થશે.
સિમ બાઇન્ડિંગ : ડિજિટલ ફ્રૉડ રોકવા માટે સરકારે સિમ બાઇન્ડિંગનો નિયમ બનાવ્યો છે. આ નિયમ હેઠળ વૉટ્સઍપ, ટેલિગ્રામ અને સિગ્નલ જેવી ઍપ તમારા મોબાઇલ સિમ સાથે લિન્ક રહેશે. સિમ કાર્ડ બહાર કાઢતાં આ ઍપ કામ કરતી બંધ થઈ જશે. વાઇ-ફાઇ કે અન્ય નેટવર્ક દ્વારા પણ સિમ કાર્ડ વિના આ ઍપ કામ કરશે નહીં.
UPI પેમેન્ટ : ડિજિટલ પેમેન્ટને સુરક્ષિત બનાવવા માટે યુનિફાઇડ પેમેન્ટ ઇન્ટરફેસ (UPI) દ્વારા મોટી રકમને ટ્રાન્સફર માત્ર પિનથી કરી શકાશે નહીં, હાઈ-વૅલ્યુ ટ્રાન્ઝૅક્શન માટે વધારાનું બાયોમેટ્રિક અથવા મલ્ટિ-ફૅક્ટર ઑથેન્ટિફિકેશન અનિવાર્ય બનાવવામાં આવશે.
મિનિમમ બૅલૅન્સ : બૅન્કના ખાતામાં મિનિમમ બૅલૅન્સ માટેના નિયમ પણ બદલાયા છે. હવે એક દિવસ બૅલૅન્સ ઓછું થાય તો પેનલ્ટી નહીં લાગે. મહિનાના ઍવરેજ મન્થ્લી બૅલૅન્સના આધારે પેનલ્ટી લાગશે.
