AIR INDIAએ આ શહેરમાં આજે રાત્રે 11 વાગ્યા સુધી તમામ ફ્લાઈટ્સ સ્થગિત કરી, જાણો કારણ

એર ઈન્ડિયાની એરલાઈને ચક્રવાત `મિચોંગ`ને કારણે ચેન્નાઈમાં ભારે વરસાદ વચ્ચે આજે રાત્રે 11 વાગ્યા સુધી એટલે કે 4થી ડિસેમ્બર 2023 સુધી શહેરમાંથી અને ત્યાંથી આવતી તમામ ફ્લાઈટ્સ સ્થગિત કરી દીધી છે.

એર ઈન્ડિયા ફ્લાઈટની પ્રતીકાત્મક તસવીર

એર ઈન્ડિયાના મુસાફરો માટે એક મહત્વપૂર્ણ સમાચાર છે. એરલાઈને ચક્રવાત `મિચોંગ`ને કારણે ચેન્નાઈમાં ભારે વરસાદ વચ્ચે આજે રાત્રે 11 વાગ્યા સુધી એટલે કે 4થી ડિસેમ્બર 2023 સુધી શહેરમાંથી અને ત્યાંથી આવતી તમામ ફ્લાઈટ્સ સ્થગિત કરી દીધી છે. એરલાઇનના પ્રવક્તાએ સોમવારે આ જાણકારી આપી. સોમવારે ચેન્નઈથી આવતી અને જતી તમામ ફ્લાઈટોમાં મુસાફરી કરતા મુસાફરોને મુશ્કેલીનો સામનો કરવો પડી રહ્યો છે. પ્રતિકૂળ હવામાનને ધ્યાનમાં રાખીને એર ઈન્ડિયા 4 ડિસેમ્બરે ચેન્નાઈથી/જતી કોઈપણ ફ્લાઇટમાં કન્ફર્મ ટિકિટ ધરાવનારા તેના ગ્રાહકોને બુકિંગ પર રિશેડ્યૂલ/કેન્સલેશન ચાર્જ માટે એક વખતનું ડિસ્કાઉન્ટ ઓફર કરશે.

સબવે અને મુખ્ય માર્ગો પર પાણી ભરાઈ ગયા 

મળતી માહિતી અનુસાર ટાટા ગ્રૂપ એરલાઈન એર ઈન્ડિયાના પ્રવક્તાએ કહ્યું કે તમિલનાડુ રાજ્યની રાજધાનીમાં ભારે વરસાદ થયો છે, જેના કારણે સબવે અને મુખ્ય રસ્તાઓ પર પાણી ભરાઈ ગયા છે. સોમવારે સવારે ભારે વરસાદને કારણે ચેન્નાઈ એરપોર્ટ પર ફ્લાઈટ્સ મોડી પડી હતી અને ઘણી ફ્લાઈટ્સ રદ કરવામાં આવી હતી. IANS સમાચાર અનુસાર, સૂત્રોએ જણાવ્યું કે વરસાદ ઓછો થયા બાદ સેવાઓ ફરી શરૂ થશે. ફ્લાઇટ્સ ઉપરાંત, ઉપનગરીય ટ્રેનોને પણ અસર થઈ છે અને અધિકારીઓએ અસ્થાયી રૂપે સેવાઓ રદ કરી છે.

આ વિસ્તારોમાં ભારે વરસાદની આગાહી કરવામાં આવી છે

હવામાન ખાતાના અધિકારીઓએ જણાવ્યું છે કે ચેન્નાઈ, કાંચીપુરમ, ચેંગલપટ્ટુ, તિરુવલ્લુર, રાનીપેટ, વેલ્લોર, તિરુવન્નામલાઈ, વિલ્લુપુરમ, કુડ્ડલોર, કલ્લાકુરિચી, તિરુપત્તુર અને કેન્દ્રશાસિત પ્રદેશ પુડુચેરીમાં ભારે વરસાદની સંભાવના છે. ચક્રવાત મિચોંગને કારણે થયેલા વરસાદને ધ્યાનમાં રાખીને એર ઈન્ડિયાની ફ્લાઈટ્સની અવરજવર સંપૂર્ણપણે હવામાન પર નિર્ભર રહેશે. ચક્રવાતની અસર સમગ્ર વિસ્તારમાં જોવા મળી રહી છે. લોકોનું જીવન વ્યસ્ત છે. તેની અસર આગામી કેટલાક દિવસો સુધી લોકોના સામાન્ય જીવન પર જોવા મળી શકે છે.

વડાપ્રધાન નરેન્દ્ર મોદી (Narendra Modi)એ રવિવારે ત્રણ રાજ્યોની વિધાનસભાની ચૂંટણીમાં ભવ્ય જીત બાદ પોતાના સંબોધનમાં દેશવાસીઓને ચક્રવાતી તોફાન મિચોંગ (Cyclone Michaung) વિશે પણ ચેતવણી આપી હતી. તેમણે કહ્યું કે તેઓ રાજ્ય સરકારોના સતત સંપર્કમાં છે અને પૂર્વ કિનારે રાહત અને બચાવ કામગીરી વિશે અપડેટ મેળવી રહ્યા છે. પીએમ મોદીએ તમિલનાડુ, પુડુચેરી અને ઓડિશા તેમજ આંધ્રપ્રદેશના ભાજપના કાર્યકરોને રાહત અને બચાવ કામગીરીમાં સ્થાનિક વહીવટીતંત્રને મદદ કરવા માટે પણ અપીલ કરી હતી.