Maharashtraના રાજકારણમાં ફરી ગરમાવો, CMના પુત્ર શ્રીકાંત શિંદેએ રાજીનામું આપવાની વાત કરી

મહારાષ્ટ્ર (Maharashtra)ના રાજકારણમાં હંમેશા ઉથલપાથલ થતી રહે છે. આ ક્રમમાં રાજ્યના મુખ્યમંત્રી એકનાથ શિંદે (CM Eknath Shinde)ની આગેવાની હેઠળની શિવસેના (Shiv sena)અને બીજેપી વચ્ચે ખટરાગ થવાના સંકેત દેખાઈ રહ્યા છે.

સીએમ એકનાથ શિંદે

મહારાષ્ટ્ર (Maharashtra)ના રાજકારણમાં હંમેશા ઉથલપાથલ થતી રહે છે. આ ક્રમમાં રાજ્યના મુખ્યમંત્રી એકનાથ શિંદે (CM Eknath Shinde)ની આગેવાની હેઠળની શિવસેના (Shiv sena)અને બીજેપી વચ્ચે ખટરાગ થવાના સંકેત દેખાઈ રહ્યા છે. વાસ્તવમાં સીએમ એકનાથ શિંદે(Eknath Shinde)ના પુત્ર અને સાંસદ શ્રીકાંત શિંદે (Srikant Shinde)એ તો પોતાના પદ પરથી રાજીનામું આપી દીધું હતું.

પત્રકારો સાથે વાત કરતા શ્રીકાંત શિંદે (Srikant Shinde)એ કહ્યું કે ડોમ્બિવલીના કેટલાક નેતાઓ તેમના સ્વાર્થી રાજકારણ માટે ભાજપ-શિંદે જૂથ (ગઠબંધન) માટે અવરોધો બનાવવાનો પ્રયાસ કરી રહ્યા છે. તેણે કહ્યું કે મને કોઈ પદની ઈચ્છા નથી. ભાજપ-શિવસેનાનું વરિષ્ઠ નેતૃત્વ જે પણ ઉમેદવાર નક્કી કરશે તેને હું સમર્થન આપીશ.

તેમણે કહ્યું કે અમારો ઉદ્દેશ્ય બીજેપી-શિવસેના ફરીથી ગઠબંધન કરવાનો છે અને કેન્દ્રમાં ભાજપ સાથે મળીને સરકાર બનાવવાનો છે. આ દિશામાં અમે જે કામ કરી રહ્યા છીએ. શ્રીકાંતે વધુમાં કહ્યું કે જો કોઈ તેમનો વિરોધ કરે, કોઈ નારાજ હોય ​​અને ગઠબંધનમાં ગરબડ હોય તો હું મારા પદ પરથી રાજીનામું આપવા તૈયાર છું.

આ સમગ્ર મામલો છે
હકીકતમાં, ભાજપના કાર્યકર્તા નંદુ જોશી વિરુદ્ધ એક મહિલાની છેડતી કરવા બદલ FIR નોંધવામાં આવી છે. આ અંગે નંદુ જોશી અને ઘણા કાર્યકરોએ આરોપ લગાવ્યો કે ડોમ્બિવલી માનપાડા પોલીસ સ્ટેશનમાં એફઆઈઆર નોંધવા પાછળ શિવસેનાનો હાથ છે.

આ પણ વાંચો: મોતની ધમકી આપીને અમારો અવાજ દબાવી નહીં જ શકાય : પવાર

બીજી તરફ બુધવારે ડોમ્બિવલીમાં રાજ્યકક્ષાના મંત્રી રવિન્દ્ર ચૌહાણના નેતૃત્વમાં ભાજપના પદાધિકારીઓની બેઠક યોજાઈ હતી. આ દરમિયાન શિવસેનાને અલગ કરવાનો નિર્ણય લેવામાં આવ્યો હતો. આ સિવાય બીજું કારણ એ પણ જણાવવામાં આવી રહ્યું છે કે ભાજપે ગુરુવારે લોકસભા ચૂંટણીમાં 48 સીટો માટે પ્રભારીઓના નામની જાહેરાત કરી છે.

અગાઉ સંજય રાઉતે એક પ્રેસ કોન્ફરન્સ દરમિયાન એકનાથ શિંદેના પુત્ર શ્રીકાંત શિંદે વિશે સવાલ સાંભળતા જમીન પર થુંકયું હતું. ઘટના કંઈક એમ હતી કે સંજય રાઉતના ઘરે પ્રેસ કોન્ફરન્સનું આયોજન કરવામાં આવ્યું હતું. આ પ્રેસ કોન્ફરન્સ દરમિયાન એક પત્રકારે સંજય રાઉતને પૂછ્યું કે મુખ્યમંત્રીના પુત્ર શ્રીકાંત શિંદેએ કહ્યું કે તેણે શિવાજી મહારાજ પર રાજનીતિ કરી. તેને આજે ગરમાવો સહન નથી થતો એટલે જ તે વિદેશ ગયા છે? પત્રકારે આ સવાલ પૂછતા જ સંજય રાઉતે વચ્ચે પડીને કહ્યું કોણ બોલ્યું? પત્રકારે જણાવ્યું કે શ્રીકાંત શિંદેએ આ વાત કહી છે. શ્રીકાંતનું નામ સાંભળીને સંજય રાઉત જમીન પર થૂંક્યા અને બીજા પત્રકાર તરફ જોવા લાગ્યા.