હોર્મુઝની ખાડીમાં સમુદ્રી બૉમ્બ લગાવી રહેલાં ઈરાનનાં ૧૬ જહાજો પર અમેરિકાનો બૉમ્બમારો

અમેરિકાના સેન્ટ્રલ કમાન્ડે હોર્મુઝની ખાડી નજીક ૧૬ ઈરાની જહાજો પર બૉમ્બમારો કર્યો હતો.

હોર્મુઝની ખાડી

અમેરિકાના સેન્ટ્રલ કમાન્ડે હોર્મુઝની ખાડી નજીક ૧૬ ઈરાની જહાજો પર બૉમ્બમારો કર્યો હતો. અમેરિકાનો આરોપ હતો કે આ જહાજો ખાડીમાં સમુદ્રી માઇન્સ લગાવી રહ્યાં હતાં. અમેરિકાને આની જાણ થતાં આ જહાજોનો નાશ કરવામાં આવ્યો છે. એવું માનવામાં આવે છે કે ઈરાન તેલના શિપમેન્ટને રોકવા માટે હોર્મુઝની ખાડીમાં માઇન્સ લગાવવાની યોજના બનાવી રહ્યું છે.
આ ઘટના અમેરિકાના પ્રેસિડન્ટ ડોનલ્ડ ટ્રમ્પના એ નિવેદન બાદ આવી છે કે જો કોઈ કારણોસર ઈરાન હોર્મુઝની ખાડીમાં માઇન્સ બિછાવશે તો એને તાત્કાલિક દૂર કરવામાં આવશે. વળી આમ કરવાથી ઈરાનનું લશ્કર એવાં પરિણામો જોશે જે એણે પહેલાં ક્યારેય જોયાં ન હોય.