27 May, 2026 08:57 PM IST | Paris | Gujarati Mid-day Online Correspondent
પ્રતીકાત્મક ફાઇલ તસવીર
ફ્રાન્સમાંથી એક ભયાનક કિસ્સો જાણી બધા જ દંગ રહી ગયા છે. આ કેસ એટલો આઘાતજનક કે કોઈનું પણ લોહી ઠંડુ પડી જશે. એક પતિએ પોતાની પત્ની પર સાત વર્ષ સુધી સતત જાતીય શોષણ કર્યું. તેણે ફક્ત તેના પર બળાત્કાર જ નહીં, પણ તેને સેંકડો અન્ય પુરુષો સાથે શારીરક સંબંધ બનાવવા માટે પણ મજબૂર કરી. આ સમયગાળા દરમિયાન, મહિલા પર એવો ક્રૂર ત્રાસ ગુજારવામાં આવ્યો કે તેનું જીવન નર્ક બની ગયું.
આરોપી, ગુઇલાઉમ બોકી (51), એક બૅન્ક મૅનેજર છે. તેની પત્નીનું નામ લેટીશિયા આર. (42) છે. આ દંપતી વચ્ચે સાત વર્ષ સુધી આ બધુ ચાલુ રહ્યું હતું. કોર્ટમાં થયેલા ખુલાસા અનુસાર, આરોપીએ પૈસાના લોભમાં તેની પત્નીને વેશ્યાવૃત્તિમાં ધકેલી દીધી હતી. મહિલાને 500 થી વધુ જુદા જુદા પુરુષો સાથે જાતીય કૃત્યો કરવા માટે મજબૂર કરવામાં આવી હતી. આરોપી પોતે આ સમગ્ર કામગીરીનું સંચાલન કરતો હતો; તે ગ્રાહકો પાસેથી પૈસા વસૂલતો હતો અને તેની પત્નીને તેમની પાસે મોકલતો હતો. જો મહિલા પ્રતિકાર કરે, તો તે તેને મારપીટ, બળાત્કાર અને તેનાથી પણ વધુ ભયાનક પ્રકારના ત્રાસ આપવામાં આવતા હતા. પતિ પોતે મહિલા પર બળાત્કાર કરતો હતો. તેણે પત્નીને પોતાનો પેશાબ પીવા માટે દબાણ કર્યું. તેણે તેને જાહેર શૌચાલય સાફ કરાવ્યા અને તેને ચાટવા પણ કહેતો હતો. આરોપી તેની પત્નીને સતત દસ દિવસ સુધી કામ કરવાની ફરજ પાડતો હતો અને ફક્ત એક દિવસ આરામ અને ઊંઘની મંજૂરી આપતો હતો. મહિલા પર સતત માનસિક અને શારીરિક શોષણ કરવામાં આવ્યું. પીડિતાની સ્થિતિ એટલી હદે બગડી ગઈ કે તે હવે સામાન્ય જીવન જીવવા માટે સક્ષમ રહી નહીં. છતાં, તેણે આશા ગુમાવી નહીં અને તે આખરે પોલીસનો સંપર્ક કરવામાં સફળ રહી.
સુનાવણી દક્ષિણ ફ્રાન્સના ડિગ્ને-લેસ-બેન્સમાં ક્રિમિનલ કોર્ટમાં થઈ રહી છે. અપાર હિંમત બતાવી, મહિલાએ બંધ બારણે સુનાવણીનો ઇનકાર કર્યો અને કોર્ટમાં ખુલ્લેઆમ પોતા સાથે થયેલો અત્યાચાર અંગે નિવેદન આપવાનું પસંદ કર્યું. કોર્ટે આરોપીને દોષી ઠેરવ્યો અને લાંબી જેલની સજા ફટકારી. મહિલાએ કોર્ટને જણાવ્યું કે તે સાત વર્ષ દરમિયાન તે અનેક વખત મરી ગઈ હોય એવું અનુભવતી હતી. મહિલાએ ઘણી વખત ભાગી જવાનો પ્રયાસ કર્યો હતો, પરંતુ તેના પતિની મારપીટ અને ધમકીઓએ તેને આમ કરવાથી રોકી હતી.
જ્યારથી આ કેસના સમાચાર આવ્યા છે, ત્યારથી ફ્રાન્સ સહિત સમગ્ર વિશ્વમાં આક્રોશ ફેલાયો છે. લોકો મહિલાની હિંમતની પ્રશંસા કરી રહ્યા છે, અને ઘણી અન્ય મહિલાઓ પણ પોતાની સમાન વાર્તાઓ શૅર કરવા માટે આગળ આવી રહી છે. લોકો પતિ જેવા શૈતાની વ્યક્તિને આપવામાં આવેલી સજાને ખૂબ જ ઉદાર માનીને વધુ કડક સજાની માગ કરી રહ્યા છે.
