થર્મસ બ્રૅન્ડનાં જાર અને બૉટલ તમારી પાસે છે?

કંપનીએ ૮૨ લાખ જેટલાં કન્ટેનરો રીકૉલ કરવાનો નિર્ણય લીધો છે

થર્મસનાં જાર

ફ્લાસ્ક અને કન્ટેનર બનાવતી વિશ્વની અગ્રણી બ્રૅન્ડ થર્મસ દ્વારા વૈશ્વિક સ્તરે એનાં આશરે ૮૨ લાખ કન્ટેનરો રીકૉલ કરવાનો નિર્ણય લેવાયો છે. આ કાર્યવાહી એવી ગંભીર ફરિયાદોને પગલે કરવામાં આવી છે કે પ્રેશરથી થર્મસનાં સ્ટૉપર્સ અચાનક બહાર નીકળી રહ્યાં હતાં, જેને કારણે ઘણા ગ્રાહકોને ગંભીર ઈજાઓ થઈ હતી. ખામીયુક્ત સ્ટૉપર્સ ગંભીર રીતે મજબૂત રીતે બહાર નીકળી રહ્યાં હતાં, જેને કારણે કેટલાક કિસ્સાઓમાં ગ્રાહકોએ કાયમી રીતે દૃષ્ટિ ગુમાવી હતી.

યુનાઇટેડ સ્ટેટ્સ કન્ઝ્યુમર પ્રોડક્ટ સેફ્ટી કમિશન દ્વારા જાહેર કરાયેલી નોટિસ અનુસાર માર્ચ ૨૦૦૮ અને જુલાઈ ૨૦૨૪ વચ્ચે વેચાયેલા આશરે ૫૮ લાખ સ્ટેનલેસ કિંગ ફૂડ જાર (મૉડલ SK3000 અને SK3020) અને આશરે ૨૩ લાખ સ્પોર્ટ્સમેન ફૂડ અને ડ્રિન્ક બૉટલ (મૉડલ SK3010)નો સમાવેશ થાય છે. આ ઉત્પાદનોની બાજુઓ પર થર્મસ બ્રૅન્ડ-નામ છાપેલું છે અને બૉટલના તળિયે મૉડલ નંબર છાપેલો છે. આ ઉત્પાદનો ટાર્ગેટ, વૉલમાર્ટ અને ઍમૅઝૉન જેવા મુખ્ય રીટેલર્સ દ્વારા વ્યાપકપણે વેચવામાં આવ્યાં હતાં.