05 March, 2026 01:23 PM IST | Mumbai | Gujarati Mid-day Correspondent
વરુણ ધવનની ફિલ્મ ‘હૈ જવાની તો ઇશ્ક હોના હૈ’
કન્નડા સિનેમાના સુપરસ્ટાર યશની ફિલ્મ ‘ટૉક્સિક’ની રિલીઝ-ડેટમાં થયેલા ફેરફારે બૉલીવુડમાં સમીકરણો બદલી નાખ્યાં છે. અગાઉ આ ફિલ્મ ૧૯ માર્ચે રિલીઝ થવાની હતી, પરંતુ હવે એને આગળ ધપાવીને ૪ જૂને વિશ્વભરમાં રિલીઝ કરવાનો નિર્ણય લેવામાં આવ્યો છે.
આ બદલાયેલી તારીખની સીધી અસર પાંચ જૂને રિલીઝ થનારી વરુણ ધવનની ‘હૈ જવાની તો ઇશ્ક હોના હૈ’ અને ૧૨ જૂને રિલીઝ થનારી ડિરેક્ટર ઇમ્તિયાઝ અલીની આવનારી ફિલ્મ પર પડી છે. ‘હૈ જવાની તો ઇશ્ક હોના હૈ’માં પૂજા હેગડે અને મૃણાલ ઠાકુર પણ મુખ્ય ભૂમિકાઓમાં છે. આ ફિલ્મની વાર્તા એક એવા યુવકની આસપાસ ફરે છે જેની પ્રેમકહાણી દર વખતે નિષ્ફળ જાય છે અને પછી તેને નસીબ બદલવા માટે મદદ મળે છે. રસપ્રદ વાત એ છે કે વરુણ આ ફિલ્મમાં ડબલ રોલમાં જોવા મળશે. હવે આ ફિલ્મની સીધી સ્પર્ધા યશની ચર્ચાસ્પદ ‘ટૉક્સિક’ સાથે થશે.
