09 November, 2023 01:16 PM IST | Mumbai | Gujarati Mid-day Correspondent
વિક્રાન્ત મેસી
રાજકુમાર હીરાણીએ વિક્રાન્ત મેસી સાથે બે હીરોવાળી ફિલ્મ બનાવવાનું નક્કી કર્યું હોવાની ચર્ચા છે. વિધુ વિનોદ ચોપડાની ‘12th ફેલ’માં વિક્રાન્તે કામ કર્યું છે. આ ફિલ્મમાં વિક્રાન્તના કામનાં ખૂબ જ વખાણ કરવામાં આવ્યાં છે. આ ફિલ્મને લઈને ઘણા ફિલ્મમેકર્સનું ધ્યાન વિક્રાન્ત તરફ વળ્યું છે. આ લાઇનમાં રાજકુમાર હીરાણી સૌથી પહેલાં છે. શાહરુખ ખાનની ‘ડંકી’ બાદ રાજકુમાર આ ફિલ્મ પર કામ શરૂ કરશે. વિક્રાન્તની સાથે આ ફિલ્મમાં રણબીર કપૂરને પસંદ કરવામાં આવે એવી ચર્ચા છે. રણબીર અને રાજકુમાર હીરાણીએ અગાઉ ‘સંજુ’માં કામ કર્યું હતું અને હવે તેઓ ફરી સાથે કામ કરશે એવી ચર્ચા છે. આ બે હીરોવાળી ફિલ્મમાં રણબીર અને વિક્રાન્ત બન્નેના રોલ ખૂબ જ મહત્ત્વના હશે.